Македонија
Општина Гази Баба со буџет од 416 милиони денари за 2020
Буџетот на Општина Гази Баба за 2020 година е проектиран на 416 милиони денари, распределени во повеќе буџетски програми. Според предложениот буџет, се предвидуваат повеќе капитални проекти што директно ги решаваат проблемите на граѓаните кои со години ги имаат во своите населени места, велат од Општината.
Сепак, првите три месеци од 2020 година Општината ќе ги почне со привремено финансирање поради неизгласувањето на буџетот од страна на мнозинството во Советот. Тоа значи дека Општината од јануари до март нема да има пари за реализација на проектите поради стапување во сила на одлуката за привремено финансирање на Општината.
Околу 83 милиони се предвидени за инфраструктурни проекти, односно за изградба, ревитализација, одржување и проектирање објекти. Изградба на улицата Јордан Пиперката, реконструкција на улицата Фуштанска, Жан Жорест, Никола Киров Мајски се само дел од улиците што се дел од предвидената програма за изградба и реконструкција на улиците за 2020 година. Дополнително, предвидени се 6 милиони денари за реконструкција на улици во Јурумлери и Трубарево, каде што е извршена изградба на фекална канализација, како и во новата населба Хиподром 2. Планирани се 5 милиони денари наменети за реконструкција на улици во согласност со утврдена листа од страна на Советот.
Со финансиска поддршка добиена од Владата за 2020 година обезбедени се средства за реконструкција на локалниот пат Раштак – Бутел, како и изградба на два локални патни правца во Булачани и Виниче.
Буџетот за 2020 на Општината предвидува изградба на канализациска мрежа во населените места Гоце Делчев, Смилковци и Црешево, како и продолжување со градба на канализациската мрежа во Јурумлери и Трубарево. Дополнително, во капиталниот дел обезбедени се средства за изградба на монтажен паркинг во Автокоманда, изградба на велосипедска и пешачка патека поред реката Вардар од „Мерцедес“ до Јурумлери, изградба на спортска сала во училиштата „Кирил и Методиј“ и “Наум Охридски“, како и продолжување со градба на детската градинка во Стајковци.
Буџетот обезбедува и средства од 10 милиони денари за поставување нови линии за улично осветление и нивно одржување. Од Општината наведуваат дека главниот фокус на следната буџетска година е животната средина, каде што се обезбедени 2 милиона денари средства на Општината и дополнителни 10 милиони денари од Град Скопје, со кои ќе се уредат 15.000 квадратни метри јавен простор, како и дворовите на училиштата и детските градинки.
Обезбедени се 1.900.000 денари поддршка на 46 здруженија на граѓани со кои Општината заеднички ќе реализира повеќе проекти од областа на животната средина. Обезбедени се 3.500.000 денари за поддршка на 29 спортски здруженија од општината во организација на спортски активности.
Предвидени се стипендии за талентирани ученици и спортисти, како и грантот за студенти иноватори.
Во програмата за културата се предвидени 3.350.000 денари за организација културни настани на повеќе локации во општината. Подготвена е и програма за одржување на објектите од домовите на културата и реализација на проекти во износ од 500.000 денари.
Првпат со буџетот за 2020 година планирани се нови буџетски програми. Првата програма е за уредување на сопственичките права на Општината врз објектите во нејзина сопственост, со која Општината објектите што ги има во свое владение ќе ги запише во државниот катастар. Втората е за формирање јавно-претпријатие за управување со индустриската зона кај обиколницата, со цел долгорочен економски развој на општината и отворање нови работни места. Третата буџетска програма е за формирање јавно претпријатие за управување со објектите за култура и спорт во општината за нивно реконструирање и враќање повторно во функција на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.