Македонија
Османи: Со заемна соработка да се спротивставиме на современите предизвици
Заменик-претседателот на Владата задолжен за европски прашања и главен преговарач и шеф на државната делегација за преговори со ЕУ, Бујар Османи, заедно со својот заменик и главен технички преговарач, Бојан Маричиќ, денеска престојуваат во работна посета на Тирана, Република Албанија, во рамките на која, заедно со министрите и вицепремиерите за европска интеграција на земјите од регионот учествуваа на третата Конференција за пристапни реформи во земјите од Западен Балкан.
Во рамките на конференција беше потпишана заедничка декларација со која земјите од Западен Балкан, потпирајќи се на посветеноста на Европската Унија на политиката на проширување, држејќи ја оваа тема високо на својата агенда, ги реафирмираа своите заложби за унапредување на добрососедските односи, ја реафирмираа својата посветеност кон регионалната соработка преку заемната поддршка и размена на најдобри практики во однос на сите аспекти од претпристапниот процес, како и сите други заложби во насока на европската перспектива на целиот Западен Балкан.
На панелот посветен на комуникацијата на ЕУ во јавноста за време на конференцијата учесниците дебатираа за успесите, предизвиците и потенцијалите за унапредување на комуникацијата на европските вредности во рамките на земјите од Западниот Балкан.
Како главни закани беа посочени лажните вести, чија пенетрацијата ја загрозува објективната реалност и вистината, што, пак, создава почва за пенетрацијата на радикални политички понуди. Во овој контекст беше истакнато дека е потребно да се унапреди соработката и комуникацијата меѓу земјите од Западниот Балкан, со цел заемно помагање во справувањето со овие предизвици.
На денешната трета по ред Конференција за пристапни реформи во земјите од Западен Балкан (WBAR) во Тирана, поддржана од страна на австриското претседателство со Советот на ЕУ ѝ претходеа првата одржана во Скопје во 2015 година и втората одржана во Подгорица во 2017 година.
Во рамки на својата работна посета на Тирана, вицепремиерот Османи оствари билатерални средби со сојузната министерка за Европа, интеграции и надворешни работи на Австрија, Карин Кнајсл, министерот за Европа и надворешни работи на Република Албанија, Дитмир Бушати, и министерката за европска интеграција на Република Косово, Дурата Хоџа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.