Македонија
Одбележани осумдесет години од Првиот скопски партизански одред
Делегација предводена од градоначалникот на општина Карпош, Стефан Богоев и советниците Филип Даскаловски и Билјана Костова, оддадоа почит пред спомен – обележјето на Првиот скопски партизански одред.
Денеска беа одбележани 80 години од формирањето на Одредот, а свежо цвеќе положија и претставници на повеќе институции, организации и политички партии. На јавниот простор пред споменикот се одржа и посебна програма, составена од хорски рецитали и проекција на филм, со цел одбележување на јубилејот.
Пред присутните граѓани се обрати и градоначалникот Стефан Богоев, кој истакна дека споменот на НОБ треба да се негува секојдневно:
„На ова место, каде што сме денеска е формиран Првиот скопски партизански одред. На Одредот кој бил формиран од скопски диверзантски групи му се приклучиле и други борци: покрај Македонци се приклучиле и Срби, Албанци, Турци, Црногорци, Хрвати и Чеси. Првата партизанска единица на НОБ во Македонија многу одамна го манифестирала заедништвото и различностите за кои денеска зборуваме.
И тука, сакам да се потсетам на говорот на сега покојниот Трајко Стаматоски, кој во 2019 година, на одбележувањето на овој ден, посочи дека „не ја разбира омразата и нападите кон другите националности, кога и во Одредот имало борци од други националности, кои се бореле за иста кауза“, рече тој.
Денеска почитуваниот Стаматоски не е со нас, но неговите зборови остануваат вмрежани во колективната меморија на нашето Скопје, рече градоначалникот на Карпош.
„Поддршката кон Сојузот за борци и споменот кон НОБ се искрени единствено кога и нашата заложба и работа се континуирани. Затоа, независно на која позиција ќе бидам во јавниот живот, Сојузот во мене секогаш ќе има искрен другар и поддржувач”, посочи градоначалникот.
На настанот се обрати и градоначалникот на градот Скопје, Петре Шилегов, министерката за одбрана, Радмила Шекеринска и претставникот од Сојузот на борци, Наум Буревски.
Тие ги истакнаа придобивките од Народнослбодителната борба, периодот кој заслужува пиетет од сите чинители во општеството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.