Македонија
Отворен проширениот и ребрендиран дијагностички центар „Жан Митрев Дијагностик“
На вкупна површина од околу 1000м2 во комплетно реновиран објект на два ката, лоциран на бул. Гоце Делчев бр.113 во Струмица, отпочна со работа најсовремениот дијагностички центар во овој регион. Дијагностичкиот центар Жан Митрев нуди врвни услуги од современата медицина и резултати базирани на брза и прецизна дијагностика.
Центарот располага со 4 специјалистички амбуланти, дневна болница, дијагностичко – радиолошки оддел, единствен во регионот опремен со рентген уред со ниско зрачење, со мамомат со врвна 3Д технологија и ергономичен дизајн кој овозможува брзо, удобно и безболно скенирање. Докажаните супериорни клинички перформанси овозможуваат исклучително прецизна дијагностика која е клучна за рано откривање на карцином на дојка.
Најсовремениот 160 слоен компјутерски томограф обезбедува детални слики од различни регии на човековото тело со помош јонизирачко зрачење. Врвниот квалитет на снимање е со најниска радијациска доза, додека пак екстремната ротациска брзина значително го скратува времето на снимањето. Сликите се со висока резолуција и овозможуваат 3Д испитување на целото тело, особено погодно за спроведување на компјутерски водени биопсии, како и прецизно дијагностицирање на непожелни наслаги во кардиоваскуларниот, урогениталниот и мускулноскелетниот систем. Достапен е и декса-скенер со кој се изведува мерење на густина на коскеното ткиво или т.н остеодензитометрија.
Утврдувањето на коскената густина – колку се силни коските – е од исклучителна важност при одредувањето на здравјето на коските и ризикот од фрактура поради остеопороза. На располагање се и биохемиска и генетска лабараторија опремени со најсовремена опрема со цел добивање на брзи, прецизни и комплетни резултати. Во Жан Митрев Дијагностик Струмица се извршуваат сите видови на специјалистички и супспецијалистички прегледи од областа на кардиоваскуларна дијагностика, ортопедска дијагностика, урологија и други интернистички прегледи и интервенции. Во склоп на овој дијагностички центар функционира и дневната болница која овозможува интердисциплинарен пристап кон пациентот со цел брзо дијагностицирање, следење и третман на акутни и хронични состојби без задржување во текот на ноќта.
На овој начин се постигнува многу повисоко ниво на квалитет на живот на пациентот за време на боледување, а во исто време се скратува времето на чекање за хоспитализација или дијагностички тестови. За достапност за брзи интервенции на располагање е амбулантно возило за брз медицински транспорт. Пред самиот објект е лоциран засебен пункт за земање примероци за КОВИД-19. Со отворањето на овој центар се подига нивото на медицински услуги кои се нудат во овој регион и истовремено им се овозможува на луѓето на локално ниво, без да патуваат во Скопје, да добијат врвни здравствени услуги.
„ Јас и понатаму работам на остварување на визијата за практицирање врвна медицина во Македонија. Секако за да се постигне тоа потребно е да се направи вистинската комбинација на тим од искусни лекари и најсовремена технологија. Ние тоа го имаме во Жан Митрев Дијагностик во Струмица. Во чекор сме со се она што ќе им помогне на пациентите да се чувствуваат подобро, посигурно и посреќно. Со нашата регионална присутност гарантираме дека квалитетот на услугите ќе биде на идентично ниво како и во нашата клиничка болница, а поблиску до луѓето од овој дел од земјата“ изјави Академик д-р Жан Митрев.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.