Македонија
Парични награди за првенците на генерација во општина Аеродром
Осум најдобри ученици од основните училишта во општина Аеродром добија пофалници за „најдобар ученик на генерација“ и еднократна парична награда во висина од 10 илјади денари за учебната 2020/2021 година.
Овие ученици изминатата учебна година беа прогласени за првенци на генерација, со што успешно го завршија образовниот процес во училиштата на територијата на општина Аеродром и веќе го почнаа средношколското образование.
Наградени се учениците Ива Спасовска од ООУ „Љубен Лапе“, Кристијан Јакимов од ООУ „Браќа Миладиновци“, Тамара Ристовска од ООУ „Блаже Конески“, Јана Давидовска од ООУ „Гоце Делчев“, Сара Марковиќ од ООУ „Димитар Македонски“, Алексиј Тасиќ од ООУ „Ѓорѓија Пулевски“, Миа Драгниќ од ООУ „Лазо Ангеловска“ и Ева Стојановска од ООУ „Александар Македонски“.
Општина Аеродром за првпат почна да доделува парични награди за првенците на генерација пред три години, со цел да се стимулира талентот на учениците и да се мотивираат за понатамошно надградување и постигнување нови успеси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.