Македонија
Петровска: Ако Мицкоски не бил во фитнес-центар, ќе ми биде благодарен кога сето ова ќе се разреши
Дополнителната заменик-министерка во МВР, Славјанка Петровска, тврди дека имало разговор помеѓу лидерот на ВМРО-ДПМНЕ, Христијан Мицкоски, и дополнителниот помошник-министер во одделот за внатрешна контрола за неговата посета на фитнес-центар за што тече интерна истрага во рамките на Министерството.
Таа вели дека за содржината на разговорот треба да каже Мицкоски. Петровска истакна дека во време на дигитална форензика нема да дозволи истрага врз основа на изјави за шкафчиња со вратички или без вратички.
„ВМРО-ДПМНЕ сè уште живее во стар лош филм. Времето кога се снимаа телефонските разговори на вработените во Министерството, а богами и на министри, директори, пратеници, опозиција, граѓаните, е завршено. Опремата ја уништивте мислејќи дека ќе ги избришете доказите. Ама не можете да ги избришете трагите на режимот во кој владеевте и затоа не обидувајте се со лаги да го оправдате отсјајот. Разговор имало, а за содржината прашајте го Мицкоски. Јас барам да се спроведе законот и затоа барам целосна и темелна истрага, која во 21 век и во време на дигитална форензика нема да се сведе на изјави за тоа кога се наместени шкафчињата, со вратички или без вратички. Ако Мицкоски навистина не бил во фитнес-центар во време на пандемија, ќе ми биде благодарен што поддржувам целосна истрага и наместо да се заканува, ќе му биде благодарен на дополнителниот помошник што побара вештачење на снимките“, пишува Петровска.
Таа побара да се остават вработените во МВР да го спроведуваат законот, а оние што грешат, да признаат и да се извинат наместо, како што вели, да измислуваат изговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.