Македонија
Пожари дивеат низ целата земја, најкритично на Јабланица и во Крушево
Тежок ден во Македонија кога се пожарите во прашање. И покрај секојдневните апели, предупредувања, забраната за движење на физички лица во шуми и шумски подрачја, пожарите и денес дивеат низ целава земја, соошти Дирекцијата за заштита и спасување.
Тие додаваат дека со воздухопловна поддршка имале целодневна акција во добар дел од Македонија. Со направени 12 летови и исфрлени 30 тони вода дејствувано е во местото Орашец во општина Чашка, местото Рамно кај Самоков општина Македонски Брод и во Ново Село, Струмица. Активни пожари во моментов има на територијата на Јабланица и Крушево.
Дирекцијата за заштита и спасување со целиот свој капацитет и материјално-технички и човечки ресурси, активно учествува во справување со огнената стихија во земјава.
Затоа, уште еднаш испраќа апел за активно вклучување на сите институции како на локално, така на централно ниво во заштита на шумите и природните ресурси на нашата земја, се вели во соопштението.
Центарот за управување со кризи објави дека со 19 часот има десетици активни пожари во земјава.
Скопски регион
Пожарот на м.в.Љуботенски Бачила, се уште е активен.
Кумановски регион
ШС – Куманово и ТППЕ Куманово интервенираат на активни жаришта на пожарот во атарот на с.Живиње (опш тина Куманово) – с.Сушица
Битолски регион
Во општина Прилеп, ТППЕ Прилеп интервенираат на три пожари и тоа: – кај с.Никодин каде има шумски пожар;
– во атарот на с.Полчиште, м.в.Торнева Нива каде гори борова шума.;
– во Могила, кај Салида Бензинска, каде гори сува трева;
Во општина Крушево, во атарот на с.Селце гори ниска дабова шума, а интервенираат ТППЕ Крушево и работници од ШС Крушево.
Струмички регион
Пожарот во атарите на селата Свидовица и Куклиш е изгаснат.
На местото на претходниот пожар помеѓу с.Бајково и Бадолен над с.Ново Коњарево има остатоци кои сеуште тлеат. ШС Беласица, ЕЛС Ново Село и Гранична полиција во утринските часови ќе излезат на терен за целосно ликвидирање на пожарот.
Охридски регион
Во општина Струга има активни 3 пожари и тоа:
– во атарот помеѓу селата Октиси и Горна Белица, каде гори мешана шума, а интервенираат ТППЕ Струга;
– во атарот на с.Радолишта каде гори мешана шума, а интервенираат ТППЕ Струга;
– во с.Мороишта, каде интервенираат ТППЕ Струга;
Во општина Македонски Брод сеуште е активен пожарот во атарот на с.Рамне каде интервенираат вработени од ШС Сандански – Македонски Брод.
Велешки регион
Пожарот кој се појави северозападно од с.Ореше е ставен под контрола, а на истиот се интервенираше и авионски. Зафатена е борова шума.
Активен пожар има на излезот од с.Богомила покрај железничката пруга на истиот интервенираат ТППЕ Велес.
Пожарот во атарот на с.Црешнево е делумно локализиран и пренасочен према реката Бабуна.
Пожарот во атарот на с.Мокрени е делумно локализиран.
Во општина Демир Капија има пожар во атарот на с.Бесвица каде гори нискостеблеста шума. Интервенираат пожарникари вработени во Шумско стопанство.
Штипски регион
Во општина Кочани, пожарот кај с.Пресека (близу манастирот) сеуште е активен и на истиот се интервенира од ШС Осогово – Кочани.
Во општина Берово, пожарот кај с.Владимирово полека се става под контрола и истиот околу 90% е локализиран. Има уште еден крак кој гори и се очекува до крајот на денот и тој дел да биде ставен под контрола. Во моментов на терен се наоѓаат вработени од ШС Малешево, месно население, како и од шумската полиција.
Тетовски регион
Во општина Гостивар, има пожар кај с.Вруток запалено е стрниште и постои опасност истиот да се прошири на блиската шума. Интервенираат од ШС Шар – Гостивар.
Пожар има и во с.Беловиште, известени се ТППЕ Гостивар и ШС Гостивар.
Пожар кај с.Падалиште, помеѓу пругата и селото. Интервенираат ТППЕ Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.