Македонија
Почнува со работа Деловно-технолошкиот акцелератор УКИМ
Претседателот на Владата, Зоран Заев, денеска присуствуваше и се обрати на отворањето на Деловно-технолошкиот акцелератор за млади претприемачи и иноватори во рамките на Научнотехнолошкиот парк, сместен во кампусот на техничките факултети во Скопје.
На настанот, што го модерира директорот на Фондот за иновации и технолошки развој, Јован Деспотовски, се обратија и министерот за информатичко општество и администрација, Дамјан Манчевски, и еврокомесарката за дигитална економија и општество, Марија Габриел, која е Скопје во рамките во својат работна посета на регионот на Западен Балкан.
„Очекувам и не се сомневам дека Научнотехнолошкиот парк ќе прерасне во место каде што граѓаните ќе развиваат нови вештини, ќе се раѓаат нови идеи, ќе се креираат важни иновации и изуми, некои млади луѓе тука ќе почнат и нови стартап-бизниси, кусо кажано, ќе се трасира патот на нашиот развој – патот кон напредокот и дигиталната револуција“, истакна премиерот Заев.
Тој ја поздрави еврокомесарката Габриел заблагодарувајќи се за нејзиното присуство на настанот, кое го оцени како важно во напорите за обезбедување сигурна економска иднина за сите граѓани во земјата, која ја исполнува дигиталната интеграција како дел од патот за интеграција во Европската Унија.
„Ми претставува огромно задоволство што ја посетувам вашата земја да поразговараме за напредокот во спроведувањето на дигиталната агенда за Западен Балкан и да оцениме заедно со министрите од шесте земји на Западен Балкан како да ја забрзаме работата за да имаме конкретни резултати за нашите граѓани. Јас верувам дека регионот може да стане успешна приказна во областа на дигитализација во Европа“, изјави комесарката Габриел.
И министерот Манчевски, кој го води Министерството кое соработува во реализацијата на проектот на Технолошкиот парк, повтори дека дигиталната трансформација е високо на агендата на Владата, вклучително и на агендата на Европската Унија.
„Ние од Северна Македонија, но и сите држави од регионот, мораме да го искористиме овој поволен период за да го подобриме квалитетот на живот на сите наши граѓани. Но, моторот на дигиталната трансформација не е ниту Владата ниту институциите. Тоа се ИКТ (информациски и комуникациски технологии) компаниите“, истакна министерот Манчевски додавајќи дека иднината е во создавање силен приватен сектор, силни компании, кои заедно со институциите ќе работат на ова поле.
Директорот Деспотовски, на настанот, на кој беше претставена и видеопрезентација на Технолошкиот парк, истакна дека еден од трите столба на паркот е Деловно-технолошкиот акцеларатор УКИМ за чии активности Владата во соработка со Светската банка обезбеди половина милион евра инвестиции.
„Во инвестициската фаза се планираат почетни инвестиции до 25.000 евра од компанија и до 75.000 евра во втората инвестициска фаза за стартапите со потенцијал за брз раст“, рече Деспотовски додавајќи дека се планираат од 7 до 12 инвестиции во првата и од две до пет инвестиции во втората фаза, проект што во сите фази ќе чини 80 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.
Македонија
Спасовски: Минимална пензија од 20.000 денари и просечна пензија од 30.000 денари
Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.
„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски.