Македонија
Правосудните органи расправаа за подобрување на заштитата од мачење и нечовечки третман
Забраната на мачење, нечовечко или понижувачко постапување или казнување, како фундаментално право кое е цврсто востановено во обичајното меѓународно право беше тема на Петтиот регионален форум за владеење на правото за Југоисточна Европа.
Премиерот Зоран Заев истакна дека овој форум и неговата тема доаѓаат во вистинско време и потенцираше дека и нашата земја е дел од културното и хуманистичкото наследство на Европа, од кое се развија универзални вредности на неприкосновените и неотуѓиви права на човечката личност, слобода, демократија, еднаквост и владеење на правото. „Сакам да додадам дека за Република Македонија, како и за сите европски земји, владеењето на правото не е само инспирација, туку исто така е – аспирација. Наш стремеж: Принцип кој ги води и нашите внатрешни и надворешни активности. За да биде цврсто утврдено владеење на правото, граѓаните треба да видат дека СИТЕ институции на државата – не само оние на правдата и безбедноста – се таму, за да им служат токму нив, на граѓаните.”, изјави Заев.
Британскиот амбасадор во Македонија, Чарлс Гарет потенцираше дека „постои неугасива жед за дебата за владеењето на правото, не само на Балканот – како што покажува овој форум – но и низ целиот свет. И со добра причина: владеењето на правото е основата врз која ги градиме и развиваме нашите демократски општества. Тоа владеење на правото е темел на нашиот драгоцен меѓународен поредок базиран на правила, без кој нашиот свет ќе биде бескрајно помалку сигурен и поопасен. Бара постојано внимание и грижа”.
Амбасадорт на Шведска во Македонија, Матс Стафансон рече дека „ова е уникатна и импресивна иницијатива. Успеавте овде во Скопје да ги соберете највисоките судски органи од целиот регион, вклучувајќи ги судиите на Европскиот суд за човекови права и невладините организации, да ги разгледуваат прашањата за човековите права и некои од најтешките реформи во контекст на поглавјето 23, веројатно најважното поглавје во процесот на ЕУ интеграцијата”
„Сите претставници на надлежни инситуции кои се присутни овде ја имаат Европската конвенција за човекови права како дел од нивното домашно законодавство и сите наши устави забрануваат мачење како и нечовечки ин понижувачки третман. Но, постоењето на на забраната не е само по себе доволно да ги исполни обврските кои ги наметнува Конвенцијата, има многу повреди на Членот 3, без оглед на таквите одредби во правните системи на земјите-членки на Советот на Европа”, рече Биљана Брајтвајт, програмска менаџерка за Западен Балкан во AIRE Центарот.
Горан Милетиќ од Civil Righst Defenders потенцираше дека „кога се занимаваме со случаи на тортура, сите ние, вклучувајќи го и ЕСЧП, го проценуваат времетраењето на лошото постапување, физичките и менталните аспекти, како и полот, возраста и здравствената состојба на жртвата. Мислам дека во овој регион многу често се забораваат два аспекти – жртви и ментални аспекти. Во овој регион, многу е вообичаено да се мисли дека тортурата е само кога инцидентите траат подолго време и ако жртвата има сериозни повреди. Менталните аспекти често не се доволно земени предвид додека пресудите во кои криминалот се гледа како криминал од омраза се уште се исклучок во регионот. Друг аспект е тортурата од страна на приватни лица, екстремистички групи и држави ќе станат одговорни ако нема соодветен одговор од спроведување на законот институции.”
На Форумот учествуваa преку 150 претставници од Албанија, Босна и Херцеговина, Хрватска, Косово, Македонија, Црна Гора и Србија. Тие вклучуваат претседатели и судии од врховните и уставните судови, судски совети, директори и директорки на правосудни академии, институции и невладини организации од регионот, како и девет сегашни и поранешни судии од Европскиот суд за човекови права во Стразбур.
Оваа година Форумот е организиран со поддршка од Британската влада, Шведската агенција за меѓународен развој и Советот за регионална соработка. Целта на Форумот кој од 2014 година се организира еднаш годишно е да го подобри спроведувањето Европската конвенција за човекови права, да ја поттикне регионалната соработка во услови на континуиран развој на владеењето на правото и човековите права и да помогне во процесот на интеграција на регионот во ЕУ и и да помогне во процесот на интеграција на регионот во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Велковски: Работничките права не се почитуваат, платите особено во здравството не се системски уредени
Министерот за труд и социјална политика, Ѓоко Велковски денеска оствари средба со претставници на повеќе грански синдикати, членови на Конфедерација на Синдикални Организации на Македонија (КСОМ) на која работна средба се разговараше за проблемите со кои се соочуваат синдикатите и вработените во областа на здравството, одбраната, полицијата, Македонски железници и рударството.
„Работничките права не се почитуваат, платите особено во здравството не се системски уредени а големи се и проблеми поврзани со функционирањето на синдикатите во последните неколку години. Ова се клучните работи кои беа истакнати од страна на претставниците на синдикатите“, вели министерот Велковски.
Министерството за труд и социјална политика ќе преземе активности во насока на системско решавање на настанатите состојби и воспоставување на вистински партнерски дијалог помеѓу МТСП и Синдикатите, нешто за што се заложи и министерот Ѓоко Велковски.
Македонија
Левицата: Бугари во Уставот е предавство, на денешен ден почна бугарската фашистичка окупација на Македонија
,,На 18 април 1941 година, со одборение на Хитлеровата врховна команда, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија“, велат од Левица.
„Овој историски факт, под рефлекторите на денешното политичко препрочитување на историјата на Македонија, Бугарија настојува овој настан од историјата наместо окупација еуфемизирано да се третира како администрирање со Македонија. Но, историските факти говорат друго! Затоа во очи на претстојните парламентарни избори, направете го вистинскиот избор и гласајте за Левица, единствената партија која се залага за раскинување на договорот со Бугарија“, посочуваат оттаму и додаваат:
„Гласајте за Левица, затоа што Бугари во Устав е предавство!”, изјавија од Левица.
Македонија
Таравари: 800 евра минимална плата, економијата и емиграцијата бараат одговори
Претседателскиот кандидат на ВЛЕН, Арбен Таравари на денешната прес-конференција рече дека на овие избори има целосно единство на албанската опозиција и тоа гарантира победа, бидејќи на сите избори мнозинството гласови ги имала опозицијата.
„Претседателските избори се одржуваат во среда на 24 април, бројот 6 е број на промената која вреди. Каде и да одиме во кампањата, а сме отишле низ цела држава, гледаме дека најголем проблем е сиромаштијата, поскапувањето, невработеноста или ниските плати. Условите за живот станаа потешки. Ова го предизвикува и другиот многу голем проблем што го имаме. Емиграцијата на младите. Младите заминуваат токму затоа што платите се мали и тешко се наоѓа добра работа“, изјави Таравари.
Според него, економијата и иселувањето бараат одговори.
„Затоа, ние како коалиција ВЛЕН, во владата, мора да гарантираме и ќе гарантираме зголемување на минималната плата до 800 евра. Ја објавивме и дискутиравме за нашата претседателска програма, а на почетокот на следната недела ќе ја објавиме и програмата за парламентарните избори. Таа е единствената програма што вреди. Но, уште еднаш повторувам, за да дојде до промена, секој човек мора да биде посветен. Затоа што секој глас е важен. И го повикуваме секој гласач да излезе на денот на гласањето, за да ја гарантираме победата на промените“, изјави Таравари.