Македонија
Пратеници од ВМРО-ДПМНЕ и двајца од Левица ги повлекле потписите за недоверба, но ќе гласаат за пад на Владата
Двајцата пратеници од Левица и петнаесетина пратеници на ВМРО-ДПМНЕ ги повлекле потписите за недоверба на Влада, со цел пратеникот од aлијанса, Скендер Реџепи, утре да гласа за недоверба на Владата. Според информации што кружат во медиумските кулоари, тие остануваат на ставот дека ќе гласаат за недоверба на актуелната Влада на СДСМ и ДУИ. И со повлекувањето на потписите, има доволно пратеници за таа да биде спроведена.
Барањето со околу 17 потписи на пратеници е доставено до собраниската архива. Засега, собраниските служби не одговараат како ќе се постапува и дали ова ќе доведе до измена на утрешната седница. Лидерот на Левица, Димитар Апасиев, како и ПР-службата на партијата, не одговараат на повиците за да одговорат дали ваквата информација е вистинита. Засега нема потврда дали тие и натаму остануваат на ставот дека ќе гласаат за недоверба на актуелната Влада.
Условот за повлекување на потписите од пратениците на Левица дојде од Скендер Реџепи, пратеник на Алтернатива. Тоа беше услов за тој да гласа за недоверба на Владата. Претседателот на Собранието, Талат Џафери, ја закажа седницата и кажа дека епилогот може да биде недоверба – паѓа Владата, не се гласа недоверба – не паѓа Владата. По тоа наредните 90 дена не може да има повторно гласање недоверба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови засилен западен ветер. Минималната температура ќе биде во интервал од 3 до 9, а максималната ќе достигне од 13 до 19 степени.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер. Минималната температура ќе се спушти до 6, а максималната ќе достигне до 15 степени.
До почетокот на следната седмица времето ќе биде променливо облачно и посвежо, наместа со повремени врнежи од дожд. Во петок пообилни врнежи се очекуваат во јужните делови, а во недела на повеќе места. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.