Македонија
Препораки за пациенти со бубрежни заболувања, дијализа и трансплантиран бубрег
Коронавирусот може да претставува сериозна закана за пациентите со бубрежни заболувања, особено за пациентите што се на дијализа или имаат трансплантиран бубрег.
За таа цел, од Универзитетската клиника за нефрологија изготвени се препораки за пациентите со бубрежни заболувања вклучувајќи ги пациентите на дијализа (перитонеална или хемодијализа) и пациентите со трансплантиран бубрег.
Сите пациенти треба да продолжат да си ја земаат терапијата во препишаните дози вклучувајќи ги и антихипертензивните лекови од групата на АКЕ-инхибитори ако нивните доктори не препорачаат поинаку. Пациентите на хемодијализа може да развијат поблаги симптоми во однос на другите пациенти со инфекција на коронавирус. Трансплантираните пациенти треба да ги преземат и сите неопходни мерки за превенција дадени за општата популација.
За пациетите на хронична хемодијализна програма наменети се следните препораки:
– Пациентите што имаат треска, висока температура или респираторни симптоми (кашлица, отежнато дишење) претходно треба да се најават во своите дијализни центри пред да пристигнат, каде што ќе бидат прегледани во посебна просторија независна од салата каде што се води дијализата и ќе им се земат анализи за Ковид-19. Овие пациенти се дијализираат во издвоена просторија од другите пациенти во тек на 14 дена.
– Во однос на местото за дијализирање, процесот на дијализирање на пациентите со суспектна корона-инфекција треба да продолжи во истиот центар, односно да не се препраќаат во други центри.
– Во однос на транспортот на пациенти, заради намалување на ризикот од проширување на инфекцијата од евентуално заразен пациент со Ковид-19, пациентите што доаѓаат до центарот за дијализа и од центарот кон местото на живеење, ќе бидат транспортирани во преполовен број, односно во такси-возило најмногу двајца пациенти, а во комбе најмногу четворица. Сите пациенти потребно е да носат заштитна маска (по можност хируршка), а исто така и возачот.
– За понатамошен третман, пациентите со потврдена инфекција со Ковид-19 ќе бидат упатени во специјализирана болница за третман на инфицирани пациенти.
За пациентите кај кои е извршена трансплантација наменети се следните препораки:
– Доколку трансплантираните пациенти почувствуваат симптоми, како покачена температура, треска и кашлица, потребно е првин да се јават телефонски на Клиниката за нефрологија (контакт-телефон 070 387 054), со цел да се избегне контакт со други пациенти и да се спречи потенцијалното ширење на инфекцијата.
– Пациентите што се вратени од странство треба да поминат 14-дневна изолација, како што важи и за општата популација.
– Пациентите со трансплантиран бубрег на Клиниката за нефрологија, кои ќе имаат потреба од друг каков било третман, ќе бидат сместени во соба за изолација независно од другите пациенти.
– Пациентите што треба да се јават во болница или институт за каков каков третман или земање брис за Ковид-19, потребно е да носат заштитни маски.
Во услови на прогласена пандемија на вирусот Ковид-19 научните сознанија покажуваат дека одредени групи пациенти со придружни заболувања (дијабетес, хипертензија, кардиоваскуларни, бубрежни заболувања) се почувствителни на Ковид-19 и може да развијат посериозно заболување. Токму затоа, од исклучителна важност е почитувањето на стручните препораки за заштита и превенција од вирусот:
– мијте ги рацете почесто користејќи сапун, најмалку 20 секунди;
– користете средство за дезинфекција со 60 отсто алкохол доколку немате сапун;
– не допирајте ги носот, очите и устата;
– држете дистанца од другите луѓе од најмалку 1,5 – 2 метра;
– кога кашлате или кивате, користете марамче или во свиткан лакот;
– не допирајте предмети кога се движите надвор;
– излегувајте само по неопходни работи и кратко;
– останете дома и заштитете се себеси и дтугите во заедницата.
Според досегашните сознанија, од пациентите што развиваат сериозна инфекција на коронавирус и имаат потреба од хоспитализација, бубрежни нарушувања се регистрирани кај 25-50 отсто од нив, а се манифестираат со поголема екскреција на протеини и црвени крвни клетки во урината. Само мал процент од пациентите (<15 отсто) развиваат намалување во функцијата на бубрезите, односно акутно бубрежно оштетување. Досега не е евидентирано долгорочно оштетување кај пациентите што се излекувале од тешка форма на корона-инфекцијата со последици на бубрежната функција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.