Македонија
Препораки и упатства за избрани функционери за излез и влез на државната граница
Владата изготви пртокол за излез и влез на државната граница за избрани носители на јавни функции, кој произлегува од втората фаза од планот за намалување на рестриктивните мерки за спречување ширење на коронавирусот, усвоен на вчерашната владина седница.
Лицата избрани носители на јавни функции, вработени во Владата и во министерствата, при излегување од државата, поради итни неодложни државни интереси (работни обврски од државен интерес) задолжително потпишуваат изјава при излез од државата за доследно придржување кон пропишаните основни превентивни мерки за:
• носење заштитна маска со избегнување допирање на лицето (очи, нос, уста) со рацете;
• често миење на рацете или дезинфекција на рацете за време на престојот надвор од државата;
• одржување физичко дистанцирање од 1,5 до 2,0 м и намалување на физичките контакти (се забранува поздравување со рацете);
• се препорачува да не се користат јавен превоз и такси во местото на престој.
Лицата при враќање во земјата спроведуваат одредени превентивни мерки од 14 дена од денот на влегувањето во државата за кој период се препорачува:
• не е потребно спроведување тестирање на Ковид-19;
• носење заштитна маска во затворен простор, а доколку се движи на јавни места и површини од отворен тип и целосно го одржува дозволеното минимално растојание од најмалку два метра од друго лице, маска не е задолжителна со внимателно избегнување допирање на лицето со рацете;
• да се ограничат на минимум личните и професионални контакти со други лица од нивната околина и надвор од неа;
• при евентуален контакт со други лица задолжително е носење заштитна маска;
• должни да се придржуваат кон упатствата за намалување на ризикот од пренесување на инфекцијата;
• често миење на рацете или нивна дезинфекција;
• избегнување физички контакт и одржување дистанца од најмалку 1,5 – 2,0 м при контакт лице во лице.
Препорака:
Мерење телесна температурата наутро и доколку е поголема од 37,2 степени или ако лицето има симптоми (треска, отежнато дишење, сува надразнувачка кашлица), се јавува телефонски кај својот матичен лекар или ја известува регионалната епидемиолошка служба (на постојните телефони за контакт на ИЈЗ и ЦЈЗ), кои ќе одлучат за понатамошниот третман. Доколку состојбата бара итна хоспитализација, се повикува итна медицинска помош или со сопствено возило во придружба на еден член на семејството ја посетува најблиската болница за Ковид-19, со претходна најава на телефон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.