Македонија
Претседателот Пендаровски на Самит во Брисел: ЕУ е најдобрата алтернатива и патеката од која нема да се откажеме
Претседателот Стево Пендаровски денеска во Брисел учествуваше на Самитот ЕУ – Западен Балкан во организација на аналитичкиот центар (тинк – тенк) Пријатели на Европа.
На сесијата во рамки на Самитот, претседателот истакна дека историски момент и значаен исчекор за Северна Македонија е отворањето на преговорите за членство во ЕУ оваа година, но дека почетокот на овој процес истовремено имаше висока цена за нашата земја, имајќи го предвид противењето на преговарачката рамка, која сепак на крајот беше усвоена. Тој посочи на истражувањата на јавното мислење и падот на евроентузијазмот, односно поддршката за интеграција во Европската Унија во последните 18 месеци.
Претседателот Пендаровски рече дека одговорното политичко лидерство треба да покаже дека ова е најдобрата алтернатива за нашата држава, за просперитетот и за вистинска трансформација во виталните области на нашето општество, нагласувајќи дека ова е патеката од која нема да се откажеме. На тој пат, додаде тој, очекуваме целосна поддршка од страна на ЕУ и ја потенцираше неопходноста Западниот Балкан постојано да биде во фокусот на Унијата, не само кога Европа се соочува со предизвици како што е војна, или мигрантска криза.
Во дискусијата, претседателот посочи дека се потребни промени како во нашиот регион, така и во Брисел, додавајќи дека сè додека Унијата не го промени начинот на одлучување, не може да се очекува голем прогрес во однос на проширувањето, но и на другите политики. Понатаму, тој истакна дека колку помалку ЕУ е присутна во нашиот регион, толку повеќе ќе се даде простор за Русија и за разни тоталитарните модели на управување.
На прашање во однос на улогата на младите во евроинтеграциите и како да се зголеми нивното влијание и улога во процесот на одлучување и креирање политики, претседателот Пендаровски рече дека тој секогаш го поддржувал младинскиот активизам и иницијативи, посочувајќи го и формирањето на Претседателскиот центар за политичко образование, во насока на јакнење на демократските политички вредности и придонес на младите за позитивен развој на општеството.
Тој ја потенцираше важноста од нивната улога во севкупниот напредок на општеството, додавајќи дека е невозможно да се усвојуваат легислативи кои ќе бидат во корист само на младите, или само на постарата генерација, туку потребни се промени од кои ќе имаат бенифит сите генерации. Воедно, тој го посочи иселувањето и негативната демографија како сериозна закана за нашите општества.
На Самитот, покрај претседателот Пендаровски, учествуваше премиерот на Република Албанија, Еди Рама и премиерот на Црна Гора, Дритан Абазовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Прифаќам дебата со сите противкандидати
Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во претседателската трка, информираат од неговата кампања.
„Решив да ја прифатам поканата за заедничка дебата на националниот јавен сервис – Македонска радио телевизија, со оглед на тоа дека сите мои противкандидати ја прифатиле поканата да учествуваат во дебатата.
Дополнително, информирам дека останувам на претходно изнесениот став дека е потребно да се расветли случајот во кој имаше јавно изнесени индиции дека јавниот сервис бил користен за изработка на лажни анкети и дебати за рејтингот на политичките партии и кандидатите за претседатели, а со тоа и фабрикување на јавното мислење.
Останувајќи доследен на принципот на транспарентноста за мојата работа и како претседател и како кандидат за претседател во тековната кампања, ја информирам јавноста за овие прашања за кои имаше интерес изминатите денови“ изјави Пендаровски.
Македонија
Коалицијата ВЛЕН најавува спектакуларен митинг во понеделник на плоштадот Скендербег – не добиле дозвола на митинг на Плоштад Македонија
Шефовите на изборната кампања на Коалицијата ВЛЕН денеска ја информираа јавноста за централниот митинг што ВЛЕН (ВРЕДИ) планира да го одржи во понеделник на 22 април, 2024 година.
– За да бидеме максимално транспарентни пред граѓаните, сакаме да ве информираме дека, како што налага процедурата, поднесовме барање до Град Скопје за да го организираме централниот митинг на плоштадот Македонија, за сите да видат што значи извонреден митинг, со слободна волја и без притисок, додека корумпираната власт во бегство да види што значи народна поддршка, што тие одамна ја немаат, беше кажано на денешната прес конференција.
Од ВЛЕН (ВРЕДИ) информираа дека од Град Скопје се уште немаат никаков одговор на барањето да се одржи митинг на Плоштад Македонија, што тие го толкуваат како негативен одговор. Според шефовите на изборната кампања на претседателскиот кандидат Арбен Таравари, негативна одлука донеле градоначалничката Данела Арсовска, Блерим Беџети и Левица кои се во коалиција. Причината за тоа, според нив е обид да ја спречат коалицијата ВЛЕН да го организира централниот митинг поради, како што рекоа, големата поддршка што ја има ВЛЕН (ВРЕДИ) од граѓаните.
– Секој одговор што ќе дојде во понеделник ќе биде закаснет и тенденциозен поради краткото време за организирање. Но, ние не остануваме со скрстени раце, заедно со нашите структури и народ, решивме да ја завршиме оваа исклучително позитивна кампања за претседател нигд едруго освен овде, на нашиот плоштад, на плоштадот што гоноси името на нашиот херој Ѓерѓ Кастриоти Скендербеу, да ја најавиме победата на Коалицијата ВЛЕН, со голем собир!, рекоа од ВЛЕН нагласувајќи дека централниот митинг ќе се одржи во Скопје, на плоштадот Скендербег, на 22 април, понеделник, во 20:30 часот.
Македонија
Стојаноска: „Платформа 1198“ предвидува рамен данок со што, Македонија ќе стане една од земјите во регионот со најниски даноци
Додека министрите на ДУИ мака мачеа да постигнат гол или кош повеќе во просториите на министерствата и додека мака мачеа да договорат тендер плус, и на сето ова, секако, министрите на СДСМ не смеат да гугнат, тетовските стопанственици, пак, мака мачат да опстанат, рече Дафина Стојаноска, носител на изборна единица 6.
– Поради овие аздисани политичари, во програмата на ВМРО-ДПМНЕ „Платформа 1198“ се ветува рамен данок кој што ќе остане и во иднина, се ветува Македонија да стане една од земјите во регионот со најниски даноци. И, се ветува на стопанствениците поголема поддршка и помош. Токму поради овие причини, стопанствениците во Македонија ќе гласаат за бројот два (2), затоа што сакаат Македонија да се врати во нивни раце и Македонија повторно да ја направиме горда, додаде таа.