Македонија
Приведени две лица во Гостивар, од возило фотографирале кој гласа на референдумот
Во Комисијата за следење евентуални противправности поврзани со гласањето при Јавното обвинителство во периодот од 14 до 19 часот пристигнати се неколку пријави и информации за евентуални незаконитости.
„Во Вишото јавно обвинителство Гостивар пријавени се два настана по кои постапуваше Основното јавно обвинителство Гостивар. Пријавено е фотографирање гласачи од возило во кое биле неколку лица. Возилото е идентификувано и две лица се приведени. Во вториот случај пријавено е дека гласач го искинал и истуткал своето гласачко ливче, а потоа вознемирен барал да му биде дадено ново гласачко ливче, кое не било дозволено од страна на избирачкиот одбор. Гласањето продолжило на тоа избирачко место. Во двата настана дежурниот јавен обвинител издаде насоки за натамошно постапување во насока на утврдување на фактите“, изјави јавниот обвинител Џељаљ Бајрами, кој е претседател на Комисијата.
Тој рече дека на подрачјето на Вишото јавно обвинителство Скопје има две пријави за сторени противправности. Во ОУ „Кочо Рацин“ имало обид за фотографирање од страна на едно лице, кое за таа цел употребило електронски уред – пенкало со камера. Во Средното угостителско училиште „Лазар Таневски“ набљудувач фотографирал лице што стоело во редот за гласање. Наводите во известувањата ќе бидат проверени од Основното јавно обвинителство Скопје, ќе се обезбедат докази и ќе се одлучи дали во пријавените настани има елементи на кривични дела кои се гонат по службена должност.
„Основното јавно обвинителство Скопје постапува и по поднесени кривични пријави од страна на политичка партија, кои се однесуваат на евентуални противправности при гласање во општината Шуто Оризари. Втората кривична пријава од политичка партија се однесува на испратени СМС-пораки преку повеќе телефонски броеви поврзани со остварување на правото на гласање. Обвинителството веднаш издаде наредби за прибирање на потребните податоци и за расчистување на настаните“, рече Бајрами.
На подрачјето на Вишото јавно обвинителство Штип пријавено е дека околу 15 часот во ОУ „Димитар Влахов“ имало обид за гласање на маж во име на сопругата. По интервенција на еден од акредитираните набљудувачи, лицето го скинало гласачкото ливче. По настанот, лицето е приведено од страна СВР Штип. Дежурен јавен обвинител даде насоки за постапување.
Пријавен е и настан во с. Мислешево, Струшко, каде што на гласачко место е забележано дека едно лице при гласање имало уште две ливчиња кај себе. По реагирање на членовите на избирачкиот одбор, лицето се дало во бегство. Притоа му паднале дополнителните ливчиња за кои е утврдено дека се празни. Гласачкото ливче останало кај лицето што до овој момент е недостапено на органите на прогонот.
„На електронската адреса што ја отворивме има неколку пријави за сторени незаконитости поврзани со правото на гласање. Тие веднаш се доставени до надлежните основни јавни обвинителства и се предмет на натамошно постапување. Комисијата за следење евентуални противправности поврзани со референдумот ќе продолжи да ја координира работата на јавните обвинителства и во следниот период. Очекуваме набргу да пристигнат повеќе поднесоци и кривични пријави по кои итно ќе постапуваме“, рече Бајрами.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.