Македонија
(Проширена) Бесплатен јавен превоз во Скопје до намалување на загаденоста на воздухот
Бесплатен јавен превоз за сите граѓани во Скопје се до моментот на намалување на загаденоста на воздухот, е една од мерките и препораките кои во понеделник ги соопшти градоначалникот на Град Скопје, Коце Трајановски, поради енормната загаденост на воздухот во главниот град последните денови.
Трајановски апелираше сите скопски градоначалници да помогнат во финансиско субвенционирање на јавниот градски превоз.
Сите граѓани од вторник бесплатно ќе може да се возат и во автобусите на ЈСП и во приватните автобуси.
Градот ќе ги контролира сите градилишта и возилата кои ги напуштаат градилиштата. Ја задолжи „Комунална хигиена“ да продолжи со миење на градските улици, а доколку дозволат временските услови ќе продолжи да се прска со калциум ацетат.
„Апелирам до вработените на Град Скопје да доаѓаат со јавен превоз наместо со свои автомобили – рече денеска Трајановски на прес конференција.
Тој истакна дека службените возила ќе се користат само за инспектпратот.
Инспекцискиот надзор спроведен од Градот врз топланите во Скопје покажал дека сите топлани работат исклучително на гас и не загадуваат.
„Во согласност со сегашните прописи во градот не може да се воведе пар-непар, но затоа апелирам до надлежните министерства – за животна средина и просторно планирање, за внатрешни работи и за здравство да предложат измени во законот за да може да се спроведува оваа мерка“, рече Трајановски.
Комуналните инспектори на Градот изрекле 12 казни поради непочитување на законот.
Трајановски рече дека Градот Скопје и јавните градски претпријатија ги ослободуваат од работа лицата над 60-годишна возраст со хронични заболувања, како и бремените жени.
„Го повикувам министерот да изврши засилена инспекција врз инсталациите кои се во негова надлежност. Немаме сознанија зошто беше рекордната загаденост во Карпош. Шпекулации се информациите дека имало согорување на депонијата Дрисла“, рече тој најавувајќи дека ќе се интензивираат контролите за „Годел“.
На прашањето дали ќе понесе одговорност откако проблемот се продлабочи, Трајановски рече:
„Градот направи многу за намалување на оваа појава, направивме повеќе од 300.000 м2 зеленило. Во Скопје нема депонии, засадивме голем број дрвја и со тоа ќе продолжиме. Направен е центар за контрола на сообраќајот со што се намалува емисијата на гасови од возолата. Секоја година мерка по мерка подобруваме, загадувањето не се решава преку ноќ“, додаде Трајановски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.
Македонија
Приведено уште едно лице за кражбата на сефот во Црниче
Приведено е уште едно лице за кражбата на сеф од маркет во Црниче.
Од МВР информираа дека вториот приведен е В. Т. (36) од Скопје.
Претходно, Обвинителството објави дека приведен е 26-годишен скопјанец, кој учествувал во кражбата.
Со тоа, двајцата се сомничат дека на 1 април провалиле во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
ОД МВР информираа дека судија на претходна постапка на едното лице му определи мерка притвор.