Македонија
(Видео) Рауфи: „Бомбите“ ќе ги откријат нарачателите на убиството кај Смилковско езеро
Адвокатот на обвинетите за петкратното убиство кај Смилковско езеро, Насер Рауфи по денешното рочиште за случајот „Монструм“ рече дека со нелегално прислушуваните разговори кои ги поседува СЈО и за кои се надева дека ќе се репродуцираат во Кривичниот суд, ќе се дојде до нарачателите и вистинските сторители на грозоморниот чин кој се случи на 12 април 2012 година.
„Со преслушување на бомбите сигурен сум дека ќе дојдеме до нарачателите и сторителите на убиството. При увидот на доказите забележваме дека од СЈО до судот се уште не се предадени нелегално прислушуваните разговори. Кога ќе бидат предадени ние ќе ги преслушаме. Не сум запознаен ниту со бројот на разговорите, досега немаме никаков контакт со тие докази, сепак сигурен сум дека со нив ќе се дојде до извршителите“, рече Рауфи.
На последните неколку рочишта за случајот „Монструм“ на кои е исклучена јавноста вклучувајќи го и денешното, се преслушуваат разговорите помеѓу обвинетите. Бранителот Рауфи вели дека од нив јасно може да се увиди дека оние кои се моментално обвинети, а претходно и осудени за ова дело не се вистинските сторители.
Во пресудата за случајот „Монструм“ беше наведено дека еден од обвинетите, Фејзи Азири, им помогнал на Африм Исмаиловиќ и Алил Демири да избегаат во Косово. Адвокатот Рауфи ова обвинение и понатаму го негира велејќи дека и од разговорите може да се забележи дека Азири немал никаква поврзаност со бегството на Исмаиловиќ и Демири.
Адвокатката на семејствата на убиените, Дафинка Ивановска идентично како и Рауфи рече дека не знае за што станува збор во разговорите кои ги поседува СЈО, очекува истите да бидат репродуцирани во процесот.
„Доказите се кај СЈО, тие знаат за што станува збор. Моментално на судењето се слушаат разговорите од претходно. По барање на обвинителството и одбраната има неколку нови разговори кои во претходната постапка не биле преслушани. Најверојатно преслушувањето ќе трае уште 2-3 рочишта и истите и понатаму ќе бидат затворени за јавноста. Моментално сме многу далеку од денот до кога завршуваат предистражните мерки“, рече Ивановска.
Алил Демири, браќата Африм и Агим Исмаиловиќ, Фејзи Азири, Хаки Aзири и Сами Љута со правосилна пресуда на Апелациониот суд Скопје беа осудени на доживотна казна затвор за петкратното убиство што на 12 април 2012 година. По укинување на пресудата, процесот започна одновно. Случајот го од Јавното обвинителство го презема СЈО поради наводни дополнителни докази кои произлегуваат од нелегално прислушуваните разговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.
Македонија
Приведено уште едно лице за кражбата на сефот во Црниче
Приведено е уште едно лице за кражбата на сеф од маркет во Црниче.
Од МВР информираа дека вториот приведен е В. Т. (36) од Скопје.
Претходно, Обвинителството објави дека приведен е 26-годишен скопјанец, кој учествувал во кражбата.
Со тоа, двајцата се сомничат дека на 1 април провалиле во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
ОД МВР информираа дека судија на претходна постапка на едното лице му определи мерка притвор.