Македонија
Свечено отворање на регионалната вежба „РЕГЕКС 19“
Со денешната церемонија на свечено отворање почна петтата по ред регионална вежба „РЕГЕКС 19“, која ќе се реализира во период од 14 до 18 октомври во центарот за симулации во касарната „Алексо Демниевски – Бауман“ во Велес. Командантот на Здружената оперативна команда, генерал-мајор Павле Арсоски, во своето обраќање го нагласи значењето на оваа вежба како можност земјите да имаат специфични обуки за нивните единици и да ги доведат нивните способности до ниво со кое успешно ќе одговорат на моментните предизвици во областите каде што треба да се одржуваат безбедноста, мирот и стабилноста во регионот.
Оваа компјутерски асистирана вежба е прва од ваков тип што се реализира во нашата држава, на која, покрај припадниците на Армијата на Република Северна Македонија, ќе учествуваат околу 230 претставници од 18 држави од 4 континенти.
На вежбата припадниците на нашата Армија и припадници на армиите на три земји членки на НАТО, партнерство за мир, Медитеранскиот дијалог, Истанбулската иницијатива, како и партнерски земји на НАТО во светот, заеднички, преку компјутерски симулации, ќе решаваат разновидни сценарија кои ќе ја покажат интероперабилноста во решавање на современите безбедносни предизвици во согласност со стандардите на НАТО.
Целта на вежбата „РЕГЕКС 19“ е оспособување и извежбување штабен армиски персонал за работа во мултинационална средина при планирање и водење мировни операции предводени од НАТО.
Симулацискиот центар од составот на Командата за обука и доктрини во следните неколку денови ќе има можност да ги покаже своите капацитети за изведување на овој вид активности од овој обем.
За успешна реализација на вежбата во планирачкиот процес претходеа 7 НАТО и 7 национални работилници. Претходно циклусот вежби РЕГЕКС се реализира: 2014 година во Турција, 2015 во Грција, 2016 во Босна и Херцеговина, 2017 во Јордан и 2018 во Србија.
В среда пред највисокиот воен врв на денот за високи гости ќе бидат презентирани активностите кои се изведуваат на вежбата, како и капацитетите на армискиот центар за симулации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.