Македонија
СДСМ: Владата спроведува мерки од 200 милиони евра за зачувување на секое работно место
Владата спроведува мерки од 200 милиони евра за зачувување на секое работно место, а ВМРО-ДПМНЕ сака да земе пари од граѓаните, велат утрово од владејачкиот СДСМ преку соопштение.
„Владиниот пакет економски мерки вреден 200 милиони евра со цел ублажување на економскиот удар предизвикан од коронакризата е утврден врз основа на сериозни и темелни анализи преку коишто Владата ги дефинираше бројките на загрозени работни места и компании.
Оттука, пакетот опфаќа помош за најмалку 250.000 работници и околу 35.000 компании, што е речиси 50% на регистрирани правни субјекти во приватниот сектор .
Економските мерки овозможуваат помош за работниците, за стопанството, за микро, малите и средните претпријатија, за дуќаните, занаетчиите, за спортистите и уметниците и за сите граѓани кои се дел од неформалната економија.
Зачувувањето на секое работно место е од клучно значење и затоа се обезбеди помош од 14.500 денари приход за сите што ќе бидат погодени од кризата. По принципот на солидарност, функционерите на државни и јавни институции во наредните два месеца ќе примаат минимална плата од 14.500 денари.
Јасна е разликата помеѓу преземените мерки на Владата коишто обезбедуваат месечна поддршка од 60 милиони евра и предлозите на ВМРО-ДПМНЕ со срамна поддршка за речиси 50% помалку од тоа што ние го обезбедуваме.
Моделот предложен од страна на ВМРО-ДПМНЕ и категоризацијата на бизнисите според нивото на претрпени штети и добивање поддршка ги става во поповолна состојба сите подобро платени работни места, наспроти пониско платените работни места.
Сите анализи и фактите го покажуваат дека мерките што ги предлага ВМРО-ДПМНЕ се несериозни и неодговорни.
Тоа значи значително помалку средства вбризгани директно во стопанството, помалку пари кај граѓаните, намалување на потрошувачка, но и помалку задржани работни места . Затоа што со помала поддршка, компаниите се склони полесно да се откажат од работниците.
И во ова тешка здравствена и економска криза, несериозноста на ВМРО-ДПМНЕ и на Христијан Мицкоски, кои се научени само да земаат, оди до таму што сакаат да им ги земат парите на граѓаните од вториот пензиски столб.
Ова е време кога солидарноста треба да се покаже на дело, да даваме таму каде што нема, да кратиме на непродуктивни трошења и намалување на платите.
Уверуваме дека никој не е сам и никој нема да биде заборавен. Државата е тука за сите граѓани и прави сè за сите полесно да ја пребродат кризата“, се наведува во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.