Македонија
СДСМ: Груевски на црната листа на САД, а Мицкоски молчи затоа што се исти
Никола Груевски, шефот на Христијан Мицкоски, и човекот што сѐ уште управува со ВМРО-ДПМНЕ од сенка, е ставен на црната листа на Соединетите Американски Држави. Како што објави Стејт департментот и како што одамна знаат граѓаните, Груевски е вмешан во коруптивни дела, како искористување на неговото политичко влијание и моќ за лична корист, ја злоупотребил моќта на својата фукција за да бара и зема мито во замена за владини договори, присвојувал државни средства и се мешал во изборните процеси, се вели во соопштението од СДСМ.
Од партијата додаваат дека покрај Груевски, на оваа црна листа е и братучед му Сашо Мијалков. Ова е уште една силна потврда за криминалот што постоел во врвот на ВМРО-ДПМНЕ.
Мицкоски молчи затоа што се потполно исти, затоа што таа криминална и режимска матрица и ден-денес е присутна во опозициската ВМРО-ДПМНЕ.
Некои од клучните луѓе на Груевски и режимот денес се клучни луѓе на Мицкоски.
ВМРО-ДПМНЕ останува единствена партија на криминалот, партија што работи на штета на интересите на граѓаните и државата, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А.И.(48), затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на Комисијата на Јавното обвинителство за следење на евентуални кривични дела поврзани со изборите извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец“ со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите, наводно, го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите кои гласале до 13 часот е 26,35 отсто, информираше претседателот на Државната изборна комисија, Александар Даштевски.
Според податоците, најголема е излезноста во Новаци – 42,87, а најмала во Врапчиште 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Останатите се во обработка.