Македонија
СДСМ: Илија Димовски како обвинет во предмет на СЈО не може да одлучува за Јанева
На денешната Комисија за избори и именување, на која треба да се донесе заклучок и мислење за разрешувањето на специјалната јавна обвинителка, Катица Јанева, членовите на владејачкото мнозинство побараа изземање на пратеникот Илија Димовски, кој претседава со Комисијата.
Димовски е обвинет во случајот „Титаник“ на специјалното јавно обвинителство, па членовите на мнозинството сметаат дека постои конфликт на интереси во однос на одлучувањето за Јанева. Пратеникот Костадин Костадинов рече дека функцијата на Димовски е спротивна на законот за спречување корупција бидејќи е инволвирани во предметот на СЈО.
На барањето на СДСМ, Димовски одговори дека нема да се повлече бидејќи ако се следи таа логика, од Комисијата треба да се повлечат и пратеници од СДСМ за кои исто така има сомневање дека се инволвирани во одредени случаи.
Изземањето во случај кога има конфликт на интереси е наведено и во Кодексот за пратеници, конкретно во член 75, став 1 и 2, во кој се вели:
„Кога службено лице ќе дознае за околности што укажуваат на постоење судир на интереси или на потенцијален судир на интереси, должно е веднаш да побара да биде изземено и да запре со своето постапување.
„Службеното лице ќе биде изземено од вршењето определено дејство со одлука на органот во кој е избрано или именувано, односно каде што ќе врши функции, јавни овластувања или службени должности и по барање на заинтересирано лице што дознало за околности што укажуваат на постоење на судир на интереси или на потенцијален судир на интереси.
Членовите на Комисијата за избори и именувања со двотретинско мнозинство одлучија седницата да се води зад затворени врати, без јавност, од причина што извештајот за обвинителката Јанева, поднесен од Советот на јавните обвинители, е класифициран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.
Македонија
Силјановска-Давкова со 8 прашања, како граѓаните да се решат дали и за кого ќе гласаат на изборите
Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики, оти да креираше рационални политики, почнувајќи од образованието, здравството, социјалната заштита, меѓународната политика, граѓаните немаше да се чувствуваат понижени.
– Се наоѓате пред многу важен момент, да донесете клучна одлука. Како да го направите изборот? Прашајте се, прво, дали подобро живеете? Дали ви е подобра економијата? Дали ви е подобро здравството? Дали ви е подобра социјалната заштита? Дали се чувствувате посигурни? Дали вие сте горди на оваа власт? Дали мислите дека власта е горда на вас? Дали мислите дека се горди на Македонија ако се плашат да го изговорат тоа име? Дали мислите дека се горди на сите кои гинеле за Македонија ако постапуваат, не според државните и националните интереси, туку според личните и олигархиските интереси?, рече Силјановска-Давкова и додаде „дека часовникот го отчукува заминувањето на оваа делигитимирана власт и дека набрзо ќе го отчука времето на промените врзани со новата власт, како на претседателско ниво, така и на парламентарно.