Македонија
СДСМ: Мизрахи продолжи по стапките на најлошиот министер на сите времиња, Диме Спасов
Кадрите на Христијан Мицкоски во техничката Влада покажуваат крајно непознавање на работите и освен ширење на невистини од партиската кујна на ВМРО-ДПМНЕ граѓаните не видоа ништо друго. Техничката министерка на Мицкоски за труд и социјална политика, Рашела Мизрахи, продолжи по стапките на Диме Спасов, најлошиот министер на сите времиња, познат по бројните скандали, промашувања и брканици низ скопските улици со наводни „криминалци од Серава“, соопшти СДСМ.
„Изјавите на Мизрахи се потврда дека таа не е спремна да биде технички министер туку да слугува на партиските наредби на Мицкоски за враќање на режимот. Техничката министерка за труд и социјална политика после 2 дена работа покажа некомпетентност и демонстрира дека не го знае новиот Закон за социјална заштита.
Таа не знае дека надлежноста за издавање на наодот и мислењето за потребата за помош и нега од друго лице, врз основа на кое се остварува паричниот надоместок, е пренесена на 15 стручни комисии при јавните здравствени установи низ цела држава а се формирани од страна на Министерството за здравство. Токму овој начин на работа ги реши проблемите кои ВМРО-ДПМНЕ ги создаде.
Додека ВМРО-ДПМНЕ цели 11 години системски ја уништуваше социјалната заштита, СДСМ, за само 2.5 години преку системска реформа обезбеди соодветна помош за 300.000 наши сограѓани и сограѓанки.
Со СДСМ, финансиското зајакнување на семејствата кои се во ризик е преточено во системска поддршка која не толерира никакви притисоци од било кого. Извлекувањето од сиромаштија е преку системот на гарантирана минимална помош која е за 300% поголема од социјалната помош што беше исплаќана од ВМРО-ДПМНЕ.
Ширењето на невистини не може да биде политика, граѓаните не веруваат во новите лаги на ВМРО-ДПМНЕ како оние на Диме Спасов. НЕ. Системот е реформиран и 30.000 семејства-корисници на поддршка и помош од државата го чувствуваат тоа во нивното секојдневие. За две и пол години инвестиравме во 43 градинки низ цела држава со што голем број рурални места за прв пат добија градинки.
Со програмата за 2020 се предвидени 10 инвестиции во градинки со буџетски средства. Што е следно за техничката министерка Мизрахи од ВМРО-ДПМНЕ, од партијата која 2,5 години е против се што е добро во социјалата?
Ќе отиде во малите групни домови и ќе каже дека извлекувањето на децата од институциите како „Ранка Милановиќ“ и сместувањето во семејна атмосфера не е во ред затоа што ВМРО-ДПМНЕ правеше се’ против овој систем? Или лицемерно ќе ги прифати?
Ќе отиде ли во новоизградените 43 градинки од СДСМ за само 2,5 години и ќе каже дека не ни се потребни?
Ќе ги посети довчерашните стечајни работници и ќе им каже дека не се заслужни за надоместокот што го примаат до трајно пензионирање затоа што ВМРО-ДПМНЕ беше против нив?
Ќе им каже на примателите на социјалната пензија дека таа мерка е непотребна затоа што ВМРО-ДПМНЕ не ја поддржа?
На 12ти април граѓаните и граѓанките ќе ѝ кажат на Мизрахи и на нејзините деструктивци од ВМРО ДПМНЕ дека со лаги и невистини не се гради прогресивна држава, туку дека тоа се прави со реформски подвизи како тие на СДСМ.
СДСМ покажа дека има способен тим, предводен од Мила Царовска кој направи вистинска реформа во социјалната сфера со кој сите ние се гордееме. Извлекуваме од сиромаштија, обезбедуваме повеќе пари во секое семејство!
Мицкоски и слугите на режимот ги очекува нов пораз. По 12 април продолжуваме по вистинскиот пат!“ порачаа од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Куманово не се гласа на три избирачки места, на едното се изгубил печатот
Прекин на гласањето има на три места во Куманово, информираше претседателот на Државната изборна комисија (ДИК), Александар Даштевски.
Како што појасни, на едното бил изгубен печатот. На останатите две, биле направени обиди да се замени уредот за биометриска верификација, пришто гласањето во едниот случај продолжило па прекинало, а во вториот не продолжило.
„Тоа се трите места за коишто имаме добиено писмено известување. Ќе видиме вечер за што точно се работи и ќе одлучиме“, рече Даштевски, одговарајќи на новинарски прашања.
Од ДИК појаснуваат дека се работи за прекин за повеќе од три часа, додека онаму каде што имало помали прекини, гласањето ќе се продолжи за онолку време колку што било прекинато.
На сите останати гласачки места, гласањето тече нормално и мирно, додаваат.
Пред полноќ се очекува да бидат обработени над 50 отсто од гласовите и ДИК да ги објави првичните неофицијани резултати.
Во однос на информациите за починати луѓе на избирачкиот список од ДИК обазложија дека оние коишто ќе починат 30 дена пред гласњето ги има на избирачкиот список, бидејќи тој е веќе заклучен. Велат дека списокот се ажурира неколкупати годишно во координација со Управа за водење на матични книги.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како неуредни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.