Македонија
СДСМ: Не постои доволно голем транспарент што ќе го покрие срамот на ВМРО-ДПМНЕ
Барањето на неуспешната кандидатка за преседател на ВМРО-ДПМНЕ, Гордана Силјановска, јавниот обвинител за организиран криминал да биде предлог на опозицијата, потврдува дека Христијан Мицкоски и ВМРО-ДПМНЕ се свесни дека остануваат опозиција и затоа бараат обвинител на нивен предлог, соопшти СДСМ.
Според партијата, на ВМРО-ДПМНЕ и Мицкоски единствена цел им се предметите и истрагите што се водат против фунцкионерите на опозициската партија да ги снема и ниту едно обвинителство да нема надлежност врз предметите на СЈО.
„Затоа се против законот за Јавното обвинителство, затоа ја опструираат правдата, во надеж дека обвинетите од ВМРО-ДПМНЕ ќе се спасат од одговорност. Тој филм Мицкоски и ВМРО-ДПМНЕ нема да го гледаат. Право и правда ќе има, обидите на обвинетите пратеници на ВМРО-ДПМНЕ да се спасат од правдата и да го попречат европскиот пат на земјата се осудени на неуспех.
Не постои доволно голем транспарент со кој ВМРО-ДПМНЕ ќе ги покрие сопствениот криминал и срам. Ништо не го скрива фактот дека Мицкоски и ВМРО-ДПМНЕ работат против правдата, против интересите на граѓаните. Истовремено, обвинетото лице Антонио Милошоски да не прави циркуси за кои знаеме дека е талент и да не го свртува вниманието на јавноста со евтини финти. Наместо да ја попречува правдата како еден од осомничените во случаите за сериозно кршење на законите, Милошоски треба редовно да се јавува на суд исто онака како што е редовен во правењето театар за прашања клучни за иднината на државата“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица: Бугари во Устав е предавство, на денешен ден започна бугарската фашистичка окупација на Македонија
,,На 18 април 1941 година, со одборение на Хитлеровата врховна команда, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија“, велат од Левица.
„Овој историски факт, под рефлекторите на денешното политичко препрочитување на историјата на Македонија, Бугарија настојува овој настан од историјата наместо окупација еуфемизирано да се третира како администрирање со Македонија. Но, историските факти говорат друго! Затоа во очи на претстојните парламентарни избори, направете го вистинскиот избор и гласајте за Левица, единствената партија која се залага за раскинување на договорот со Бугарија“, посочуваат оттаму и додаваат:
„Гласајте за Левица, затоа што Бугари во Устав е предавство!”, изјавија од Левица.
Македонија
Таравари: 800 евра минимална плата, економијата и емиграцијата бараат одговори
Претседателскиот кандидат на ВЛЕН, Арбен Таравари на денешната прес-конференција рече дека на овие избори има целосно единство на албанската опозиција и тоа гарантира победа, бидејќи на сите избори мнозинството гласови ги имала опозицијата.
„Претседателските избори се одржуваат во среда на 24 април, бројот 6 е број на промената која вреди. Каде и да одиме во кампањата, а сме отишле низ цела држава, гледаме дека најголем проблем е сиромаштијата, поскапувањето, невработеноста или ниските плати. Условите за живот станаа потешки. Ова го предизвикува и другиот многу голем проблем што го имаме. Емиграцијата на младите. Младите заминуваат токму затоа што платите се мали и тешко се наоѓа добра работа“, изјави Таравари.
Според него, економијата и иселувањето бараат одговори.
„Затоа, ние како коалиција ВЛЕН, во владата, мора да гарантираме и ќе гарантираме зголемување на минималната плата до 800 евра. Ја објавивме и дискутиравме за нашата претседателска програма, а на почетокот на следната недела ќе ја објавиме и програмата за парламентарните избори. Таа е единствената програма што вреди. Но, уште еднаш повторувам, за да дојде до промена, секој човек мора да биде посветен. Затоа што секој глас е важен. И го повикуваме секој гласач да излезе на денот на гласањето, за да ја гарантираме победата на промените“, изјави Таравари.
Македонија
Изет Меџити: На сите граѓани на Северна Македонија ќе им поделиме 49 отсто од акциите на Јавните претпријатија во износ од 10.000 евра за секој поединец
Лидерот на Демократското движење и носителот на листата во ИЕ број 1, Изет Меџити од денешната прес-конференција на Коалицијата Вреди порача дека на сите граѓани на Северна Македонија ќе им подели 49 отсто од акциите на Јавните претпријатија во износ од 10.000 евра за секој поединец.
„Денес имаме средба со структурите накоалицијата ВРЕДИ кои се распоредени во 6 избирачки единици, со ограноци и подограноци. Имаме четири партии, односно четириструктури, но го имаме и Движењето Ветевендосје, кое нè поддржува со дух и инспирација, со инструкции нанекорумпираниот премиер Албин Курти, но и на Глаук Коњуфца, кој вчера дојде во Скопје за да не поддржи. Четири партии ги здружија силите. Скендербег велеше „Сојузот ја прави моќта“, а денес овде на плоштадот Скендербег се среќаваме со нашите обединети структури“, вели Меџити.
Како што дополнува, тие ќе победат, а победата ќе го зајакне нивниот сојуз.
„На оние кои ја држеа власта преку поделби им дојде крајот. Нашата победа ќе донесе големи промени за општеството, особено за Албанците во Северна Македонија. Една од економските мерки што ќе се преземат ќе биде враќањето на државните претпријатија во рацете на граѓаните. На сите граѓани во Северна Македонија ќе им се поделат 49 отсто од акциите на државните претпријатија, односно на секој поединец ќе се поделат акции во вредност од 10.000 евра. Овие акции ќе можат да се продаваат на пазарот, ќе донесат нова економска динамика во сите семејства, но ќе овозможат и внесување приватен капитал во овие претпријатија, што носи модернизација и развој. Овие политики, успешно спроведени во многу европски земји, време е да се имплементираат и кај нас. 10.000 евра за секој поединец, и повеќе капитал за претпријатијата и за стопанството, тоа е економијата што ВРЕДИ. Но, за да се реализира сето ова, потребен ни е секој глас, а оваа порака мора да ја распределат сите наши структури. Потребна ни е, првата етапа на 24 април, посветеност на сите. Победата од 24 април ќе ја отвори вратата за победата на 8 мај“ вели Меџити.