Македонија
Се уриваат платформите на плажи во Охрид
Десетина работници почнаа да уриваат на плажата „Куба либре“, која функционираше и како ноќен клуб.
Иако изминатите денови на паркингот во близина на плажата имаше два паркирани багера, сепак, тие засега не се употребуваат. На терен се урива само платформата на плажата која е поставена во езерото, а на неа до лани имаше лежалки и се одржуваа забави.
Од Општина Охрид нема информација дали и кога ќе се урива објектот на плажата, но и нелегалните градби на плажата „Кадмо“ и плажата „Бела виста“ која се наоѓа до неа.
Менаџерот на „Куба либре“ тврди дека сè што е изградено на плажата е според проект одобрен од институциите, a Општина Охрид не ги известила сопствениците што треба да се урива на плажата.
Објектите на „Куба либре“, „Кадмо“ и „Бела виста“, пред три дена останаа без струја. ЕВН извести дека ја исклучиле по барање на Општината. Општина Охрид и градоначалникот Константин Георгиевски тврдат дека неселективно ќе ги урнат сите објекти што се нелегални и поставени спротивно планската документација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.
Македонија
Апасиев: Дали е вистина дека директорот на велешката болница забранил да им се дава инфузија на деца со температура 40 – за да заштеди
„Дали е вистина дека директорот на велешката Болница – Зоран Арсовски од СДС забранил да им се дава инфузија на Детското одделение, на деца со температура 40 – за да заштеди“, прашува претседателот на партијата Левица, Димитар Апасиев преку социјалните мрежи.
„И дали е вистина дека за операција на жолчка, во истава болница, докторите отворено си бараат мито од пациентите – од 500 евра ‘по тарифа’“, додава Апасиев.