Македонија
Собранието ќе одлучи дали треба Јовески да го преземе СЈО
На 11 декевмри на собраниската седница ќе се најдат измените на Законот за јавнообвинителска служба со кој треба да се реши статусот на вработените во СЈО.
Законот е изготвен од група пратеници од СДСМ и ДУИ и со него се предвидува државниот јавен обвинител Љубомир Јовески да може да ги потпишува налозите за трошоците на СЈО, за платите на вработените, а со него се предвидува и тој да има надлежност врз истражителите од ова обвинителство. Оваа обврска Јовевески ја добива со менување на членот 112 од Законот за јавнообвинителска служба, кој гласи:
„Сите овластувања кои ги има јавниот обвинител за гонење кривични дела поврзани и кои произлегуваат од содржината на неовластено следење на комуникациите во однос на истражителите доделени на работа во Јавното обвинителство за гонење кривични дела кои произлегуваат од содржината на неовластеното следење на комуникациите, ги врши јавниот обвинител на Република Северна Македонија, доколку не е избран јавен обвинител за гонење кривични дела поврзани и кои произлегуваат од содржината на неовластено следење на комуникациите.“, стои во овој член од предлог-законот.
Од пратеничката група на ВМРО-ДПМНЕ засега немаат став во однос на измените во јавнообвинителска служба.
„Не сме го виделе уште текстот на законот. Првично ќе треба да се најде на седница пред матичната комисија на кој ќе биде образложена неговата оправданост. Тогаш и ќе го изнесеме нашиот став, односно дали ќе дадеме поддршка или не“, брифираат од ВМРО-ДПМНЕ.
Инаку, статусот на вработените во СЈО требаше да се реши со измени во Законот за јавно обвинителство, кој се носи со двотретинско мнозинство, а за кој власта и опозицијата не успеаја да најдат консензус. Откако не се постигнат договор, пратениците на СДСМ го подготвија Законот, но како што брифираат извори од Собранието, не се нашол на дневен ред бидејќи тогаш не бил погоден моментот за расправа по него.
Законот е подготвен непоредно по разрешувањето на Јанева и враќањето на обвинителите на СЈО во матичните обвинителства. До Собранието е поднесен на 14 минатиот месец, а по него ќе се расправа на седница в среда, кој е ставен како 24-та точка на дневниот ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Сајкоски од Битола: Платформата 1198 се обврзува на 150 милиони евра за поддршка на домашното стопанство
„Битола е на највисоко ниво на агендата што ќе ја предводи владата на ВМРО-ДПМНЕ во следниот период. Битола ќе добие економски развој, Битола ќе добие нова инфраструктурна мрежа. За Битола се предвидени голем број на инвестиции“, кажа Ѓорѓија Сајкоски, генерален секретар на ВМРО-ДПМНЕ и носител на изборна единица 5.
„Денеска бевме во посета на стопанствениците во Битола од кои што слушнавме и со кои што разговаравме за проблемите со кои што се соочуваат.
Ние како луѓе кои што ќе работиме во идната влада која што ќе ја предводи Македонија сакаме да им изразиме гаранција дека ќе приоѓаме кон секој нивни проблем, ќе работиме за решавање на секој нивен проблем.
Исто така заедно со градоначалникот укажавме на компаниите и на стопанствениците дека и локалната самоуправа стои на располагање на битолското стопанство.
Укажуваме дека идната влада предводена од ВМРО-ДПМНЕ ќе инвестира 150 милиони евра во стопанството. Ова е начин да се помогне стопанството, да се помогне да не се иселуваат луѓето, да го подобриме квалитетот на живот, и да имаме подобар живот и во Битола и во цел наш регион“, соопшти Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.