Македонија
Стоилковски: Заев и СДСМ кукавички избегаа од избори
Зоран Заев и СДСМ кукавички избегаа од избори бидејќи знаат дека жестоко ќе ги загубат, изјави портпаролот на ВМРО-ДПМНЕ, Наум Стоилковски, на прес-конференција.
Тој рече дека кукавичкото бегство на Заев да се соочи со граѓаните било најдобар доказ дека вистинските анкети говорат оти власта е без поддршка од народот и дека Заев губи.
„Образложението дека ќе се закочеле реформите и затоа ќе немало избори е само параванот зад кој стои стравот од поразот на избори. Едно е сигурно, а тоа е дека токму Владата е главната пречка за сите реформи и затоа треба да падне“, изјави Стоилковски.
Според опозицијата, СДСМ и Заев се во голема паника и страв и не сакаат избори затоа што ќе ја загубат власта, која за нив значи пари, богатење, заштита на криминалот и на непотизам.
„Да не заборавиме дека оваа власт опстојува вештачки, без реална поддршка од граѓаните, беше формирана без мнозинската поддршка од народот, сега одбива да се соочи повторно со граѓаните. Не е до реформите, Заев и СДСМ не сакаат избори затоа што така ќе си ги загубат привелегиите, криминалните тендери, непотоизмот и можностите за корупција и затоа што треба да одговраат пред словото на законот за сето ова“, рече Стоилковски.
Додаде дека ВМРО-ДПМНЕ ќе победи на претседателските избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.