Македонија
Стразбур пресуди: Кичевскиот судија Билевски бил незаконски лустриран
Европскиот суд за човекови права во Стразбур пресуди во корист на лустрираниот судија Драги Билески од Кичево во предметот против Северна Македонија. Билевски беше лустриран во 2010 година по 30 години судиски стаж, само една година пред да се пензионира.
Судот во пресудата што ја објави вчера утврди серија неправилности и незаконитости и потврди дека му биле прекршени човековите права на судијата кога бил прогласен за соработник на тајната полиција.
Во образложението пишува дека македонските судови не ги сослушале предложените сведоци и не појасниле зошто нивното испитување не придонело за утврдување на фактите оспорени од жалителот, туку „Управниот суд ги потврди фактите утврдени од Комисијата потпирајќи се единствено врз документите против Билески“.
Судот наведе дека Билески бил лустриран иако не бил во архивите на УБК, т.е. дека документите употребени против него не биле од архивите на разузнавачката служба. П.К., авторот што обезбедил информации за трети лица, јасно изјавил дека ги изготвил записите за Билевски според неговото толкување.
Според пресудата на судот во Стразбур, домашните судови не можеле да донесат одлука, без да ја земат предвид изјавата на сведокот П.К., кој не бил повикан лично да сведочи.
За нарачаната лустрација на кичевскиот судија, СЈО отвори предмет „Моќник“ против Антонијо Милошоски и уште 12 лица. Првиот човек на Комисијата за лустрација, Томе Аџиев, е осомничен дека делото го сторил под влијание на пратеникот на ВМРО-ДПМНЕ, Антонијо Милошоски, кој сакал да му се одмазди на Билевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука