Македонија
Судска медицина: Саздовски починал од ударите во глава, а не од падот
Извештајот на Институтот на судската медицина кој денеска беше презентиран на рочиштето за убиството на 20 годишниот Никола Саздовски, како што образложи вештото лице од Институтот, директно укажува дека смртта на Саздовски настанала од трите удари кои ги примил во главата, а не од падот врз електронската кутија, како што тврдат адвокатите на обвинетите.
„Врз основа на извршената судско-медицинска обдукција остануваме во целост со претходно дадените мислења по однос на причината за смртта, начинот на добивање на повредите и страдањата кај покојниот. Како дополнение се анализирани и изјавите на учесниците и сведоците во текот на реконструкцијата и самата местоположба на настанот каде бил овој чин. Утврдивме дека сега покојниот повредите кои ги здобил се нанесени со директен удар, сила во пределот на главата, слабината, а не се настанатите со пад на асфалт или електронска кутија која беше посочена при самата реконструкција. Повредите во пределот на главата претставуваат причина за настапување на смртта“, рече вештото лице од Институтот за судска медицина.
Според извештајот, Саздовски при физичкиот напад се здобил со повредите, истегнување на зглобот кај првиот вратен прешлен, со што дошло до оштетување и на нервните васкуларни структури, ударите во пределот на главата довеле до оштетување на крвните садови кај мозочните обвивки. Од овие повреди, сега покојниот Саздовски почувствувал болка од силен интензитет која траела не поовеќе од 2 минути со оглед на тоа што од задобиените повреди тој изгубил свест.
„Освен на главата повреди се нанесени и на масната капсула околу левиот бубрег, што укажува на делување на тапо тврда сила во делот на слабинската регија. Оваа повреда довела до крварење. Повредите во главата, конкретно околу окото, се настанати со тапо-тврда сила со голем интензитет. Со оглед дека нема други оштетувања околу окото констатираме дека таа може да настане од удар со тупаницал. На десната јаболчна регија има јасно отсликана шара која укажува дека еден од обвинетите со ѓон го има удрено починатиот Саздовски, односно констатираме дека таа повреда е нанесена со дел од обувка. Крвната покриеност од десниот дел на главата, заклучуваме дека е нанесена со тапо-тврда сила од удар, а со оглед на тоа дека нема оштетување на кожата во вид на нагмечување, констатиравме дека не е стекната од пад туку од директен удар. Трите удари во главата делуваат кумултивно и не може конкретно да се заклучи од кој точно удар Саздовски изгубил свест“, образложи вештото лице од Институтот за судска медицина.
Според обвинителниот акт, обвинетите Бесир Беља и Скендер Демири заедно со Ј. Љ. (19), кој е во бегство, на 29 јуни минатата година крвнички го претепале Саздовски на автобуската постојка пред фабриката „Алкалоид“ на булеварот Александар Македонски во Автокоманда. Од добиените повреди, Саздовски на 9 јули 2018 година почина на Клиниката за анестезија, реанимација и интензивно лекување – КАРИЛ при Клиничкиот центар „Мајка Тереза“.
Двајцата од напаѓачите, Бесир Беља и Скендер Демири, се во притвор во затворот Скопје“ во Шуто Оризари, а за третоосомничениот, кој сè уште е недостапен за органите на прогонот, е распишана домашна и меѓународна потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левицата: Проблеми со фингерпринтот во Куманово, Ѓорче Петров, Аеродром, доцнење на гласачкиот процес и нерегуларности во избирачкиот список
Од Претседателскиот изборен штаб на кандидатот за претседател Билјана Ванковска информираат дека денешниот изборен ден поминal мирно во фер и демократска атмосфера, но нагласуваат дека сепак се случиле некои помали проблеми на изборните места.
Како што информираше Моника Маневска, портпаролот на Ванковска, забележани се помали проблеми со фингерпринтот на повеќе гласачки места како Куманово, Ѓорче Петров, Аеродром и др.
Истакна дека од терен добиваат информации дека во Куманово се правеле редици заради проблемите со фингерпринт, а во некои изборни места гласањето почнало со доцнење.
Исто така беше кажано дека и на овие избори се појавуваат нерегуларности во избирачкиот список па така во некои изборни места има запишано почонати гласачи, а некои гласачи кои се со постојано место на живеење и без промена на адреса ги нема во изборниот список.
Македонија
Ромите за Демократија: Членови на СДСМ се закануваa на Ромите набљудувачи на изборите
Денес, додека Северна Македонија ги организира своите претседателски избори, се појави голема загриженост за безбедноста и интегритетот на изборниот процес. Членовите на фондацијата „Ромите за Демократија“, кои се набљудувачи на изборите, беа изложени на сериозни закани и заплашувања од членови поврзани со партијата СДСМ, се истакнува во соопштението на оваа фондација.
Додаваат дека како одговор на овие алармантни случувања, фондацијата „Ромите за Демократија“ испратила официјално писмо до лидерот на партијата СДСМ, во кое бараат итна акција.
Во писмото, како што појаснуваат, се повикува на итна истрага за заканите кон ромските изборни набљудувачи и се нагласува потребата од брзи и соодветни санкции против сите вклучени членови на партијата.
Фондацијата „Ромите за Демократија“ најостро го осудува овој чин на заплашување што се применува врз ромските набљудувачи на изборите“, изјави Селвије Мустафи Алкан, извршен директор на Фондацијата.
„Безбедноста на сите набљудувачи на изборите мора да бидат гарантирани за да се обезбеди интегритет на изборниот процес и да се поддржуваат принципите на демократијата“.
Во писмото дополнително се бара одговор од лидерот на партијата СДСМ до крајот на денот, во кој се наведени чекорите преземени за решавање на ситуацијата и спречување какви било дополнителни инциденти. Непочитувањето, како што велат, ќе резултира со информирање на меѓународната заедница, нагласувајќи ја одговорноста на партијата за безбедноста на набљудувачите на изборите.
„Нема да толерираме никакви закани или насилство врз оние кои се посветени на обезбедување слободни и фер избори“, продолжи Алкан. „Партијата СДСМ мора да ги почитува принципите на демократијата и да преземе итни активности за да ја обезбеди безбедноста на ромските набљудувачи на изборите“, истакнуваат од оваа фондација.
Македонија
Две лица од Скопје го искинале гласачкото ливче, неколкумина го фотографирале
Во 14 часот е пријавено дека на избирачко место во Штип М.Ш. (23) го фотографирал гласачкото ливче. Се преземаат мерки за расчистување на случајот, по што ќе следи соодветен поднесок, соопшти МВР.
Полициски службеници од СВР Штип го привеле Г.Ј. (34) од с. Тработивиште затоа што го фотографирал гласачкото ливче. Според полицијата по документирање на случајот ќе следи соодветен поднесок.
„Во 15.30 часот е пријавено дека на избирачко место бр. 1680 во с. Сопот Р.А. од с. Сопот го фотографирал гласачкото ливче. Се преземаат мерки за расчистување на случајот, по што ќе следи соодветен поднесок.
Во 15.40 часот е пријавено дека на избирачко место бр. 2880 во Скопје Р.Х. (72) го скинал гласачкото ливче. Р.Х. е приведен и по документирање на случајот ќе следи соодветен поднесок.
Во 15.50 часот е пријавено дека во избирачкото место бр.2783 во Скопје Б. С. (48) го скинала гласачкото ливче. Се преземаат мерки за расчистување на случајот, по што ќе следи соодветен поднесок“, информираат од МВР.