Македонија
Тунел за дезинфекција за Институт за белодробни заболувања кај децата
Сојузот на стопански комори обезбеди тунел за дезинфекција за Институт за белодробни заболувања кај децата.
Поставувањето тунел за дезинфекција пред влезот во болницата значително ќе ја намали можноста за внесување на вирусот во болницата, што е особено важно бидејќи се работи за деца со респираторни проблеми и белодробни заболувања и нивната заштита од вирусот е од исклучително значење. Тунелот производ на Трефоил инженеринг со поддршка на АГ-П, има резервоар од 1.000 литри, млазниците на пумпата создаваат аеросоли и до 600 лица може да се дезинфицираат за еден час. Уредот е планиран за децата кои се примарни пациенти, здравствените работници и сите други посетители и е целосно безбеден.
„Сојузот на стопански комори на Македонија, од почетокот на пандемијата ја истакнува важноста од мобилизација и солидарност која во услови на здравствено-економска криза, борба за човечки животи и спас на економијата е од непроценливо значење. Во овие тешки времиња, сите иницијативи за ставање во функција на расположливите ресурси со цел заштита од Ковид-19, се екстремно важни. Продолжуваме и активно ќе помагаме, да се пребродат состојбите, но и да се зачува здравјето на ранливите категории, децата и идните генерации“, изјави Драган Митковски, потпретседател на Сојузот и додаде дека иницијативите ќе продолжат, со приоритет на донации на храна, опрема за медицинска заштита и итна помош особено за најранливите категории.
Во тунелот за дезинфекција има прскалки, кои се активираат со притискање на копче пред да влезат, а потоа се создава облак за дезинфекција низ кој лицето кое влегува во болницата поминува.
„Ова претставува највисоко ниво на епидемиолошка заштита. Тунелот е од големо значење за дезинфекција затоа што обезбедуваме заштита на децата и на вработените во Институтот за белодробни заболувања Козле, како и од потенцијални носители на вирусот од лицата кои ќе доаѓаат во посета во иднина”, соoпшти директорот на Институтот, д-р Ангелчо Андоновски, кој истакна благодарност и потенцира дека со оваа помош за јавно-здравствената установа ќе се овозможи да се зголеми степенот на заштита не само за децата, туку и за родителите и медицинскиот персонал.
Во изминатиот период Сојузот на стопански комори организира кампањи и акции за обезбедување опрема за ранливите категории. Комората на сметководители и нејзините членови се ставија на располагање на државните институции за про боно помош, особено за анализа на флуктуациите во економијата и изготвување акциски план, но и организираа акција за обезбедување опрема за заштита за медицинскиот персонал. Туристичко-угостителската комора и нејзините членови обезбедуваа храна и оброци за лицата кои припаѓаат на ранливи категории, како и припадниците на органите на државната управа и медицинскиот персонал кои се изложени на најголем ризик, а дел од хотелите ги отстапија своите капацитети за организирање државен карантин. Сојузот изготви и објави пред два месеца Водич за приватен сектор за справување со Ковид -19, во кој на едно место може да се најдат сите процедури, насоки и прописи за намалување на ризикот од ширење на болеста, како и мерките за кои може да се аплицира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се мерка куќен притвор и мерка на претпазливост.
„Врховниот суд ја извести јавноста дека по одржаната јавна седница, Советот за казниви дела донесе решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје, КСЖ-320/24 од 2.4.2024 година, го преиначи на начин што определената мерка притвор против обвинетиот А. Ѓ. ја укина и за обвинетиот определи мерка куќен притвор и мерка на претпазливост“, велат од Врховниот суд.
Претходно денес, бранителот на осомничениот Ѓорчевски, адвокатот Владимир Туфегџиќ, на седницата рече дека решението со кое е продолжена мерката притвор е донесено без доволно образложенија во кои не се наведува ниеден доказ со кој се докажува зошто овој човек би требало да остане во притвор. Дополни дека осомничениот не може да се даде во бегство затоа што важноста на патната исправа му истекла и дека тој активно учествува во истрагата.
Ѓорѓиевски истакна дека е обвинуван за некои работи, кои и ден-денес не ги разбира.
„Бев прикажуван екстремно спротивно од она што сум како родител и татко. Сакам и јас да знам што точно се случува затоа што и јас водев истрага, знам парченца од тие делови. Би сакал да го дочекам моментот кога ќе го дознам идентитетот на тие луѓе, сите се еднакво криви“, рече тој.
Четиринаесетгодишната Вања Ѓорчевска, која беше пријавена за исчезната на 27 ноември, беше пронајдена мртва на 3 декември. За делата грабнување и убиство на свиреп начин првообвинет е Љубомир Палевски-Палчо за кого се чека екстрадиција од Турција. Таткото е осомничен дека помагал во грабнувањето.
Македонија
Висок функционер од НАТО се сретна со Џафери: „Вие сте ценета членка во алијансата“
Џафери – Лапсли: Северна Македонија е ценета членка на алијансата, која посветено ги развива одбранбените капацитети
Техничкиот премиер Талат Џафери вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли, во рамките на неговата посета на Скопје.
Џафери му посака срдечно добредојде на помошникот на генералниот секретар Лапсли и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05 % од БДП во буџетот на одбраната, од кои 30 % се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на алијансата во Романија, во Бугарија и во Латвија, како и во мисијата на НАТО во Косово, КФОР и во операцијата на ЕУ во Босна и Херцеговина, АЛТЕА, земјата дополнително се позиционира и како еден од столбовите на регионалната стабилност.
На средбата двете делегации имаа можност да разговараат за самитот на НАТО во Вашингтон во духот на 75-годишнината на алијансата, како и за актуелните одбранбени планови имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката што земјите членки, вклучително и Северна Македонија, ја даваат за Украина.
Од страна на помошникот на генералниот секретар Лапсли беше истакнато дека Северна Македонија е ценета членка во алијансата имајќи го предвид целокупниот придонес што досега го има дадено. Алијансата е пообединета и посилна од кога било во својата историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.