Македонија
Тупанчески: Оваа година треба да се случи ренесанса на правосудството
Министерот за правда Никола Тупанчески учествуваше на 7 панел дискусија на меѓународната конференција,,Скопски економски и финансиски форум” на тема ,,Новите предизвици на доброто владеење”.
Тупанчески во својата дискусија се осврна на активностите кои ги презема Министерството за правда во делот на реформите во правосудниот и обвинителскиот систем и антикорупциската правна рамка.
,, Клучните елементи на доброто владеење, кои претеставуваат темел на демократијата, вклучуваат стратешка визија, активно учество на граѓаните, следење на нивната состојба и потреби, одговорност и отчетност, транспарентност, консензуални одлуки, ефективност и ефикасност на службите. Новата парадигма на одговорност го редефинира управувањето, односно владеењето како меѓузависност меѓу владини и невладини фактори во справувањето со современите предизвици и осмислувањето и следењето на јавните политики. Во развиените системи, современото управување подразбира преговарање, договарање и консензус наместо наметнување на авторитети.Професионалниот, ефикасен и непристрасен систем е гаранција за владеење на правото и заштита на човековите права.Институциите можат да го поддржат економското закрепнување преку одговорно управување со јавните ресурси, кратење на непродуктивните трошоци, намалување на административниот товар, поедноставување на административните процедури, стратегиско инвестирање во човечкиот капитал” рече Тупанчески.
Министерот за правда Никола Тупанчески очекува оваа година да се случи ренесанса на правосудството а како примери ги наведе носењето на Законите за спречување на корупција и судир на интереси, за судовите, за судскиот совет, за лобирање, за заштита на укажувачи.
Подготвен е и предлог на закон за поврат на имот кој ќе биде основа за преземање активности во врска со пронаоѓањето и идентификувањето на приноси, друг имот или имотна корист што произлегле или с ево врска со кривично дело што може да бидат предмет на привремена забрана за располагање или конфискација.
Наш најголем предизвик , според Тупанчески е да создадеме услови за доследна примена на законите. Во таа насока, неопходна е соодветна проценка на влијанието на регулативата, развој на човечките ресурси и обезбедување на соодветни материјално технички услови во институциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.