Македонија
УКЛО-Битола го честуваше Св. Климент Охридски: Влијанието на науката е важна за решавање на актуелните проблеми
Универзитетот „Св.Климент Охридски„ од Битола го одбележа државниот и патрон празник Свети Климент Охридски со оддржување на свечена седница на Ректорската управа и Сенатот на Универзитетот, промоцијата на новите доктори на науки и прогласување на најдобрите студенти во академската 2020/21 година.
Ректорот на УКЛО проф. д-р Сашо Коруновски придружуван од проректорите на Универзитетот и Претседателот на Сенатот на УКЛО положија свежо цвеже и ми одадоа почит на Св.Климент Охридски во рамки на Ректоратот.
Горди сме на нивниот успех и очекуваме да се вбројат во семејството дипломирани кои се поддржувачи на развојот на УКЛО низ една нова перспектива, како респектабилни алумнисти, дел од близу 38 илјади дипломирани студенти на Универзитетот, особено по формирањето на Алумни клубот на УКЛО, нагласи ректорот Коруновски.
„Размената на идеи помеѓу студентите, помеѓу студентите и нивните професори и помеѓу студентите и стопанствениците за влијанието на науката во решавањето на актуелни проблеми го подигнува степенот на научно-истражувачка работа и кај студентите, нивната свест за глобалните промени и потреби, го унапредува нивниот професионален и личниот развој и помага да да се стекнат со искуство за донесување на соодветни решенија, што во крајна линија е наша примарна задача и цел„ истакна во своето обраќање првиот човек на Битолскиот Универзитет.
Воедно според ректорот Коруновски, празникот е повод да се осврнеме и кон поширокиот контекст, новата улога што ја добива академијата, а во тие рамки и УКЛО. „Сведоци сме на се поголемото и интензивно влијание на универзитетите и важноста на универзитетските мисии. Во оваа смисла, во овие времиња на големи динамични промени, главниот предизвик за сите нас, покрај основниот – образовниот, е и пронаоѓањето на вистинскиот одговор за барањата на општеството во коешто живееме и делуваме, барањата на опкружувањето и пред се, на младите генерации. Во тој дух, одговорот на УКЛО започнува првенствено од личната, индивидуална одговорност на наставно-научните кадри, но и заедничката: покрај науката и научното истражување, постојано да се освојуваат нови знаења и вештини, дотолку повеќе што и Ковид кризата евидентно ни покажа дека придвижувања и раст се возможни меѓу другото и со реосмислување на организацијата на работа„ спомена Коруновски во своето излагање пред Ректорската управа и сенаторите на Универзитетот.
Од студентите, според професор Коруновски се очекува постојано да учиме, да се прилагодуваме на преобразбите со користење на дигиталните и модерни информатички технологии што овозможува знаењето да се проширува и да се реализира севкупниот развоj, за што, како раководство и како Универзитет сме подготвени.
Универзитетот ,,Св. Климент Охридски“’ – Битола, со оваа манифестација покажа дека е вистинска научна и образовна институција која го цени и почитува трудот на своите студенти и ни дава надеж дека светот повторно ќе се врати на патот на правдата и вистината, каде вистинските вредности ќе бидат темел врз кој ќе почива успехот на секој поединец и општеството во целост, нагласи Бјанка Цилена најдобар студент на Универзитетот „Св.Климент Охридски. Студентите со најдобар просек на дипломирање добиа пофалница и парична награда од Ректоратот на УКЛО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.
Македонија
Нема да има работни саботи за учениците, МОН донесе нова одлука
Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.
Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, велат од МОН.
Од Министерството потсетуваат дека наставната година за учениците од средните училишта трае до 10 јуни, додека за учениците од основните училишта до 17 јуни.
„Потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја“, додаваат од МОН.
Македонија
Со супервештачење ќе се бара вина кај лекарите за родилката од Дебар, која, по породувањето, се врати дома без јајчник, матка и бубрег
Судот нареди да се направи супервештачење за родилката од Дебар, Јалдз Веапоска, на која по породување во струшката болница ѝ беа извадени јајчник, бубрег и матка. Наредбата за супервештачење доаѓа откога судот доби целосно спротивни вештачења од Обвинителството и од одбраната. Вештачењето од Институтот за судска медицина, приложено од Обвинителството, посочи одговорност кај лекарите од струшката болница, а вештачењето нарачано од одбраната, кое го направи вештакот Драге Дабески, заклучи дека лекарите ѝ го спасиле животот на родилката.
„Со супервештачењето верувам дека, конечно,. вистината ќе излезе на виделина и правдата ќе биде задоволена. Вештакот на одбраната не најде лекарска грешка, ме убедува дека со вадење три органи по породувањето со царски рез, ми го спасиле животот иако вештачењето од Судска медицина покажа дека лекарите имаат вина. Јас здравјето не можам да си го вратам, органите ми се извадени и функционирам како половина човек, но очекувам супервештачењето на лекарите да им покаже дека има лекарска грешка и на пациентите да им порачам дека не треба да молчат, треба да се охрабрат и да се борат за вистината“, вели Вепоска за „Макфакс“.
Се пожали дека секое судење дополнително ја исцрпува, а извадените органи ја ограничуваат во мајчинството, во работата и во секојдневниот живот.
„Здравјето целосно ми е нарушено. Освен физички, имам и психички проблеми, се лекувам и од тоа. Особено тешко ги поднесувам судењата, ми треба време да закрепнам од нив. Работам со скратено работно време оти немам сила за осумчасовна работа. Како мајка не можам да им се посветам на децата онака како што треба оти постојано имам здравствени проблеми, еве сега тукушто ја испив терапијата“, рече Веапоска по денешното судење.
Судијата Јодран Јованов, кој го побара супервештачењето, е трет судија што го добива нејзиниот случај откога претхдните двајца се пензионираа. Следното рочиште е закажано за 3 јуни кога Вепоска очекува да биде готово и супервештачењето.
За извадените органи по породувањето со царски рез на Веапоска, обвинети за несовесно лекување се гинекологот Мухамед Асани, кој во 2020, кога беше направено породувањето, беше директор на болницата, син му Блертон Асани и докторката Лилјана Јовановска.