Македонија
Филипче: Да знаевме дека кризниот штаб на Куманово чека резултати, поинаку ќе се организиравме
Министерот за здравство, Венко Филипче, на вечерашната прес-конференција, која ја одржа од дома, со оглед на тоа што е во самоизолација, рече дека владините претставници кои вчера биле во Куманово воопшто немале информации дека градоначалникот и претставниците од кризниот штаб чекаат резултати од брисот за коронавирус.
„Да знаевме, ќе се организиравме поинаку. Иако сепак, сите бевме соодветно заштитени. Но, ова е еден акт со кој покажуваме дека сите сме еднакви и дека сите треба да ги почитуваме препораките“, рече Филипче.
Зошто не сме биле известени не можам да кажам, рече Филипче, прашањето треба да го упатите до претставниците од Куманово.
Во врска со новинарите кои вчера биле присутни во Куманово, министерот за здравство рече дека засега нема логика тие да прават тестови во овој момент.
„Исконтактирав со поголем дел од нив и тие ќе добијат понатамошни насоки“, рече Филипче.
Вчера се одржа состанок на кризниот штаб на Куманово на кој присуствуваа и премиерот Оливер Спасовски, вицепремиерот Бујар Османи, министерот за здравство Венко Филипче, министерот за образование Арбер Адеми и државниот секретар во министерството за здравство Владимир Милошев. Сите тие од денеска се во домашна изолација.
Во Куманово секојдневно расте бројот на новозаболени од Ковид-19, а градоначалникот Максим Димитриевски упорно инстираше градот да биде во карантин, како што беше случајот со Дебар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.