Македонија
Филипче: За 40% ќе ги зголемиме платите на здравствените работници
На денешната централна прес-конференција во Штип, претседателот на Комисијата за здравство на СДСМ, Венко Филипче ги презентираше вложувањата во здравството во изминатите три години и ги најави следните чекори со цел зајакнување на целиот здравсрвен систем.
Филипче потенцираше дека кризата покажа дека здравството е еден од столбовите на државата. Тој рече дека ќе се продолжи да се инвестира во човечките ресурси, во напредни методи, во опрема и во терапии. До крајот на 2020 ќе се дефинира 10 годишната стратегија за издвојување и инвестиции во здравство и ќе се побара широка собраниска поддршка за неа заради тоа што на здравствениот систем му треба стабилно и повисоко вложување.
„ Човечкиот капитал претставува најголем и најскап ресурс на здравствениот систем, кој е најтешко да се развие, одржи и задржи. Секоја година ќе ги зголемуваме платите на здравствените работници и соработници за 10%, значи вкупно 40% за целокупниот следен мандат. Сите млади лекари кои се на специјализација и се надвор од Скопје ќе добијат 12 000 денари субвенција за решавање на станбеното прашање. Ќе го зголемиме бројот на специјализации преку два механизми. Прво, ќе се зголеми бројот на специјализанти по ментор, а понатаму и со реформа во рамките на Медицинскиот факултет ќе се зголеми бројот и на наставни лица. Младите лекари ќе имаат можност да напредуваат и во науката, многу повеќе отколку што тоа го имаат сега“, истакна Филипче и додаде дека ќе се склучи договор со Универзитетската болница во Франкфурт за размена на кадри.
Пациентот е центарот на здравствениот систем. Ќе се воведе проект „Телемедицина“ каде ќе патува информацијата, а не пациентот, со поврзување на клиничките болници со Универзитетскиот Клинички центар. Со ова, секој пациент ќе добие навремена и брза интеренција.
„ До крајот на мандатот ќе започнеме проект за енергетска ефикасност на сите болници и здравствени домови во нашата земја. Ќе ги реновираме најстарите одделениjа во болниците, нешто што го започнавме и над 20 одделенија се веќе реновирани. Ќе обезбедиме 70 нови возила до крајот на мандатот за итна медицинска помош. Капацитетот на итната медицинска помош во Скопје го зголемивме за 100%. Ќе направиме три пунктови за итна медицинска помош“, информираше Филипче.
На прес-конференцијата, Филипче рече дека ќе се почне со изградбата на нов, современ и функционален Универзитетски клинички центар во Скопје.
За реализираните мерки во изминатите три години, претседателот на Комисијата за здравство потсети дека Владата предводена од СДСМ наследи здравствен систем со целосно намалена ефикасност и ефективност – со демотивираност и ниски плати за здравствените работници. Со огромна смртност на родилките и новороденчињата, со недостаток од лекови и медицински потрошен материјал, лекови и инсулини од сомнително потекло и огромни долгови на јавно здравствените иснтитуции.
„ За три години инвестиравме многу. Инвестиравме во платите на здравствените работници. Сега лекар специјалист има помеѓу 85 и 160 илјади денари плата. Се инвестираше во буџетот за ретки болести од 230 на 520 милиони денари, донесовме шест нови лекови за ретки болести, за кои пациентите беа приморани да одат да се лекуваат во странство. Се донесоа оригинални инсулини. Претходдно, пациентите со шеќерна болест примаа инсулини донесени на сомнителен начин од Турција, без никаков сертификат за квалитет, а пациентите немаа ефект од примањето на инсулините.“, рече Филипче.
Филипче ги потенцираше и инвестициите во вакцините и модернизацијата на календарот за имунизација и зголемениот процент на опфат со вакцинација.
„ Имаме две нови вакцини како најсовремените европски земји. Го зголемивме опфатот со вакцинација од под 80%, во Скопје е сега над 99%, а на територијата на целата држава над 95%“ – истакна Филипче и додаде дека сето ова е мотив и уште еден дополнителен стимул да се продолжи понатаму, да се инвестира таму каде што е најпотребно, во системот на јавно здравство. Здравството е еден од столбовите на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука