Македонија
Хуманост на дело – крводарители помогнаа да се собере крв за повредените во „8 Септември“
Здружението на крводарителите „Крводарител“ од Скопје будно ја следи состојбата со резервите крв за повредените во Грдската болница „8 Септември“. Од здружението инфомирмираат дека потребните количини крв што недостигаа се обезбедени за повредените сместени во болницата.
„Многу бргу по објавувањето на повикот се јавија наши членови, граѓани. Сè уште се јавуваат да донираат крв. Но, според наши информации, потребните количини се собрани. Не можам да ви кажам точна бројка на луѓето што дадоа крв. Но, сакам да упатам благодарност до сите, навистина луѓето беа хумани и експресно реагираа“, рече Дамир Смајловиќ од здружението „Крводарител“.
Интерниот повик, како што информираа од здружението, следувал кога од ГОБ „8 Септември“ добиле дојава дека недостигаат резерви крв во болницата. Според нивни инфомации, другите болници ги добиваат потребните количини од Институтот за трансфузиона медицина, а „8 Септември“ се води како посебна комлексна установа, која работи со свои резерви крв. Освен во „8 Септември“, крводарители и граѓани донирале и во Општата градска болница, на Клиниката и одделот за трансфузиологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите што гласале до 13 часот е 26,35 отсто, информира претседателот на Државната изборна комисија, Александар Даштевски.
Според податоците, најголем е одѕивот во Новаци – 42,87, а најмал во Врапчиште – 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Другите се во обработка.