Македонија
Царовска во Кочани: Најдобро е кога од наставниците ќе се слушне дека се тече според планот
Министерката за образование и наука Мила Царовска и градоначалникот Николчо Илијев, вчера попладнето ги посетија основното училиште ,,Никола Карев’’ и средното општинско училиште ,,Гошо Викентиев’’ во Општина Кочани.
Царовска во училиштата разговараше со наставниот кадар за спроведувањето на наставата и за имплементацијата на реформските процеси во прво и четврто одделение.
,,Нема подобар начин од тоа кога лично од самите наставници ќе се слушне за новата концепција за настава, пофалбите за материјалите за учење и снабденоста на училиштата со нови нагледни средства, дидактика и таблети. Наставниците веќе се прилагодија на новите наставни програми, за што претходно ги поминаа сите потребни обуки, но и на враќањето на учениците во училишните клупи, што е на огромна радост на сите нас”, рече Царовска.
Според податоците кои МОН ги добива од училиштата, имплементацијата на реформата тече во најдобар ред и според предвидената динамика, во сите основни училишта во државата. Исто така, наставата се одвива со физичко присуство и за основците и за средношколците со доследно почитување на планот и протоколите и засега нема трансмисија на вирусот во училиштата, додека процентот на активни случаи кај учениците и кај наставниците е 0,02.
Со цел училиштата да останат безбедни и отворени за настава со физичко присуство, МОН апелира на строго почитување на заштитните мерки како што се задолжително носење на заштитни маски на затворено, честа дезинфекција на рацете, и одржување на хигиена во училниците и другите училишни простории.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови засилен западен ветер. Минималната температура ќе биде во интервал од 3 до 9, а максималната ќе достигне од 13 до 19 степени.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер. Минималната температура ќе се спушти до 6, а максималната ќе достигне до 15 степени.
До почетокот на следната седмица времето ќе биде променливо облачно и посвежо, наместа со повремени врнежи од дожд. Во петок пообилни врнежи се очекуваат во јужните делови, а во недела на повеќе места. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.