Македонија
Царовска ги повика стопанствениците заедно да креираат успешни мерки за вработување
Министерството за труд и социјална политика, Агенцијата за вработување, бизнис-заедницата, локалниот економско-социјален совет и другите фактори, денеска, во Тетово, на регионален состанок, почнаа широка консултација за новиот оперативен план за активни мерки за вработување за 2020 година. Конкретните предлозите се очекува да произлезат од локалниот економско-социјален совет, како и од членовите на Стопанската комора на северозападна Макадонија и другите стопански комори.
Министерката за труд и социјална политика, Мила Царовска, ги повика стопанствениците од Тетово, Гостивар, Кичево и од Струга да ги дадат своите сугестии за потребите на пазарот на труд.
„Сметам дека овој тип на дебати на локално ниво се клучни. Мерките се успешни кога се креираат на локално ниво и за тоа имаме позитивен пример од минатата година. Во западниот регион во 2018 година имавме околу 700 вработувања преку оперативниот план, а до септември 2019 околу 500 вработувања. Верувам дека со добро планирање и сугестиите што ќе ги добиеме од бизнис-секторот можеме да го зголемиме бројот на вработенени што ќе биде во интерес на сите. И на бизнисот, и на граѓаните и на државата“, рече Царовска.
Градоначалничката на Тетово, Теута Арифи, ја поздави идејата за организирање на регионалните состаноци бидејќи тоа ќе овозможи креирање поквалитетни политики за вработување и развој на бизнисите на локално ниво.
„Целта на организирањето на регионалните состаноци е директно да се слушнат предлозите, но и проблемите на локалните бизниси и новите мерки што ги финасира Владата. Сакам да споделам некои искуства од овие години. Како градоначалничка се сретнав со над 19.000 граѓани и 85 отсто од нив бараа вработување, затоа сметам дека дијалогот е многу важен за креирањето на успешните политики што ќе ја носат државата напред“, рече Арифи.
Директорката за Агенцијата за вработување на Република Северна Македонија, Билјана Јовановска, истакна дека улогата на АВРСМ е да биде вистински сервиз за невработените, но и за бизнис-заедницата.
„Во 2019 година имаме успешна реалзиација на ОП од високи над 90 проценти и за тоа сме заслужни сите. Целта ни е да направиме добра координацоија меѓу побарувањата на бизнисот и на пазарот на трудот. Во моментот во овој регион се вршат на 1.700 лица. Договори за самовработување имаме над 1.000 лица, 220 се субвенционирани вработувања, 110 вработувања се субвенционирани за раст и развој на работодавецот. Во овој регион имаше голем интерес за практикантвото. Имаме околу 400 потпишани договори за практикантво. 130 лица добија сертификати за побарувани занаети. Ние можеме повеќе и затоа заедно ќе ги креираме новите мерки“, рече Јовановска.
Денешната средба во Тетово беше органиизрана со поддршка на проектот за зајакнување на социјалниот дијалог, кој го финасира ЕУ за го спроведува Меѓународната организација на трудот. Министерството за труд и социјална политика ќе организира уште три регионални настани во Скопје, Струмица и во Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.