Македонија
Царовска го посети новото училиште во Ѓопчели: Инвестираме во подобри училишта
Министерката за образование и наука, Мила Царовска, и градоначалникот на Дојран, Анго Ангов, денеска го посетија основното училиште „Кочо Рацин“ во Нов Дојран каде се одвива настава со физичко присуство на ученици од прво до петто одделение. Увид како стартуваше учебната година направија и во новото училиште во Ѓопчели, во кое се инвестирани 4,5 милиони денари и на децата им се обезбедени современи услови за образование и развој.
„Инвестициите во објекти сами по себе не се доволни, ако како Влада не инвестираме во наставниот кадар, затоа што наставниците ни се најважната алка во пренесувањето на знаењето на децата”, рече Царовска.
Пандемијата ни покажа дека наставниците не се важни само како партнери во училницата, туку нивното место е незаменливо и во поддршката, мотивацијата, лидерството, иновацијата и креацијата на нови начини на работа, нагласи Царовска.
„Навистина ми е драго што токму во ова училиште децата ја следат наставата на еден од јазиците на етничките заедници, односно турскиот јазик, и она што сакам да го потенцираме е дека вие наставниците ги учите децата на толеранција, ги учите на мултикултурализам. Ако вие создавате заедништво и ако ги учите да се грижат едни за други, да учат едни од други, тогаш создаваме едно општество за сите“, рече Царовска.
Министерката во обраќањето апелираше до наставниците и учениците да ги почититуваат заштитните мерки и протоколи од Ковид-19 бидејќи веќе 53 деца и 8 наставници се во изолација.
Градоначалникот Ангов рече дека во новото основно училиште настава со физичко присуство следат 21 дете до петто одделение, училиштето е направено со средства обезбедени од ООУ „Кочо Рацин“ преку блок- дотации од МОН и Општина Дојран.
На настанот присуствуваше и заменик-министерот за труд и социјална политика, Енвер Хусеин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.