Македонија
Царовска: Натпреварите по претприемаштво ги поттикнуваат учениците да ги преточуваат знаењата во идеја и акција
Развојот на претприемачките вештини кај младите луѓе е и ќе продолжи да биде еден од приоритетите на образовните политики што ги креираме во овој момент и кои ќе се имплементираат во периодот пред нас. Со новата концепција за основно образование, која е неодамна усвоена, првпат се воспоставуваат 8 национални стандарди, со кои се определуваат компетенциите што треба да ги стекнат учениците во текот на основното образование, меѓу кои еден од стандардите е токму претприемаштвото, што значи учениците ќе треба да поседуваат одредени познавања и вештини од областа на претприемаштвото во моментот кога ќе излезат од деветтолетката.
Ова го истакна министерката за образование и наука на денешниот завршен настан за прогласување на победниците во рамките на Кампот на иновации – ученички натпревар по претприемачки вештини, кој веќе неколку години го организира организацијата „Јуниор ачивмент“.
„Интенцијата е да создадеме што повеќе ученици – како учениците што се денес присутни овде на овој натпревар и кои покажуваат исклучително голем интерес кон претприемаштвото препознавајќи ја моќта на претприемачките вештини за личен успех и просперитет“, рече Царовска додавајќи дека се работи за вештини што се препознатливи и многу вреднувани на пазарот на трудот.
„Денес, над 100-ина ученици се во исчекување да го чујат своето име меѓу победниците на овој виртуелен натпревар. Јас ќе речам дека сите вие сте победници со самото тоа што сте изразиле желба да го покажете своето знаење и сте се пријавиле да учествувате на ова големо натпреварување. Вие сте пример што како институционални раководители многу го цениме затоа што во вас ја гледаме иднината на државата и токму затоа работиме во насока да изградиме што повеќе вакви деца и што повеќе вакви примери за луѓе што во раната младост, уште во тинејџерските денови, го стекнале она што е неопходно за да се успее по формализација на процесот на образование“, рече Царовска посакувајќи им успех на сите учесници на натпреварот и советувајќи ги стекнатото знаење да продолжат да го надградуваат, но и да го преточат во идеја и акција.
Министерката изрази благодарност до менаџментот на „Јуниор ачивмент“, што со организирањето на овој натпревар даваат придонес кон развојот на претприемачкото образование во земјата и, како што рече, очекува и во следните години организацијата да продолжи да учествува во подготовката на младите и развојот на нивните претприемачки вештини.
На прогласувањето на победниците на натпреварот, кој поради пандемијата, оваа година се одржа по виртуелен пат, се обратија и Љупка Панчевска, директорка на „Јуниор ачивмент“ во Северна Македонија, амбасадорката на САД во Скопје, Кејт Мари Брнз, и Коста Петров, директор на Фондот за иновации и технолошки развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.