Македонија
Царовска: Се залагаме за праведен и еднаков третман за сите работници
Непријавената работа, намалувањето на сивата економија и процесот на воспоставување предвидлива и стабилна деловна околина, еднакви можности и здрава конкуренција, беа теми на дискусијата и состанокот за проектот финансиран од ЕУ „Подобрување на условите за работа“, на којшто присуствуваше министерката за труд и социјална политика, Мила Царовска.
Целта на овој проект е да му помогне на Министерството за труд и социјална политика во решавањето на предизвиците поврзани со создавање поправедна околина на пазарот на трудот, борба против непријавената работа и справување со различните позиции на мажите и жените на пазарот на трудот.
„Со овој проект промовираме праведен и еднаков третман за сите работници во однос на работните услови. Резултатите што ќе произлезат ќе бидат многу важни за граѓаните на Република Северна Македонија, бидејќи ќе ја подигнат нивната свест за придобивките од пријавената работа, ќе ја унапредат нивната даночна дисциплина и ќе го подобрат пристапот на жените на пазарот на трудот“, истакна Царовска.
Конкретно, овој проект се состои од два компоненти. Првиот се фокусира на поддршка при спроведувањето на избрани правни и политички мерки, и мерки за подигање на свеста. Со воведување и спроведување на овие мерки ќе овозможиме зајакнување на придобивките од вработувањето и социјалното осигурување.
Активностите ќе бидат насочени и кон воведување и тестирање на процедурите и законската регулатива во избрани сектори кај коишто постои најголема веројатност од непријавена работа.
Втората компонента се фокусира на борбата против родовата дискриминација на работните места и усогласување меѓу семејниот и професионалниот живот. Активностите од оваа компонента вклучуваат преглед и унапредување на законските одредби и мерките што не се уредени со закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.