Македонија
Членството во ЕУ и НАТО, но не како Северна Македонија – заедничко за сите кандидати на ВМРО-ДПМНЕ
На конвенцијата за избор на претседателски кандидат на ВМРО-ДПМНЕ во Струга, на која учествуваат 523 делегати од партијата, попладнево свои говори пред присутните одржаа кандидатите: Ѓорѓи Манасков од Стопанска комора за енергетика, Васко Костов – фармацевт, професорот во пензија Илија Димовски, Филип Петровски – ексдиректор на Архивот, професор Никита Шекутковски, директорот на „Дрисла“, Горан Ангелов и Сашо Кутлешовски – професор.
Кандидатот, Ѓорѓи Манасков, истакна дека најдобар начин да се избере претседател е заедно со техничка влада и предвремени избори, затоа што постои опасност од полнење на кутиите. Сепак тој посочи и дека претседателските избори се добра шанаса за ВМРО-ДПМНЕ и ги повика делегатите да галсаат за него.
„Не сум само теоретичар, туку и практичар. Се што планирам – реализирам, поседувам војничка дисциплина. Честа е во нас и пред вас и затоа сметам дека ова е момент да победиме на овие избори на еден културен и достоинстен начин“, кажа тој.
Фармацевтот, Васко Костов, пред делегатите посочи дека доколку е избран за претседател ќе се залага за влдеење на правото, економски развој и демократско единство. Рече дека ќе работи во согласност со законот и за интересите на народот.
„Ќе се залагам за членство на Македониија во ЕУ и НАТО, но под уставното име, а не како Северна Македонија. Ќе соработувам и со други држави како што е Русија и останатите земји пријатели кои и мислат добро на Македонија“, истакна Костов.
Професорот во пензија Илија Димовски рече дека многупати можел да замине од државата, но не го сторил тоа зошто ја сака земјата. Истакна дека ќе се заложи за стратегија со која ќе ја промени, како што кажа, катастрофалната состојба со миграцијата од Македонија.
„Ќе работам на решенија за наталитетот, зошто има многу немажени и неженети лица“, порача Димовски и додаде дека особено ќе работи на подобрување на состојбата во здравството и за реформи во високото, средното и основното образование.
Никита Шекутковски – редовен професор на Природно-математичкиот факултет во Скопје смета дека тој е човекот кој ќе го притисне копчето ,,ресет” и ќе се одбиде да ја смени политичката ситуација во земјава.
„Во моментов најбитни се нацијата и државата. Мораме да имаме една национална линија, за антиката, средновековието, деветнаесетиот и дваесетиот век. Со постигнато национално и државно единство многу полесно ќе ги постигнеме целите кон кои се стремиме“, порача Шекутковски.
Горан Ангелов од Виница во обраќањето кажа дека и да не бидае избран ќе го поддржи избраниот кандидат зошто, како што рече, ВМРО-ДПМНЕ мора да победи и да ја врати Македонија. Ангелов порача дека ќе работи на подобрување на Армијата на Република Македонија, зошто безбедноста е столб на една земја.
„Ќе предложам да се воведе воен рок, од барем 3-4 месеци, за да можат нашите деца да се научат на принципи. Армијата ќе брани од вистинските непријатели“, порача Ангелов.
Професорот Сашо Кутлешовски истакна дека кога ќе биде претседатадел ќе се заложи да се отвори Академија за дипломатија, затоа што според него, дипломатијата во моментов се води инцидентно и Македонија надвор не се претставува на правиот начин.
„Сметам дека треба да имаме високо професионални дипломати кои ќе поминат низ еден процес на едукација и ќе ја претстават Македонија на донстоинствен начин“, рече Кутлешовски.
Делегатите на ВМРО-ДПМНЕ почнаа да гласаат за избор на еден од деветте пријавени кандидати за претседател на државата. На гласачките ливчиња кандидатите се испишани по азбучен ред, според првата буква од презимето.
На конвенцијата во Струга што почна напладне, дадена е пауза од два часа, додека трае гласањето, по што, во 18:00 треба да продолжи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.