Македонија
Чулев апелира до полицајците да постапуваат одговорно за време на изборниот процес
Министерот за внатрешни работи, Наќе Чулев, оствари работна посета на одделенијата за внатрешни работи во Крива Паланка, Кратово, Пробиштип и Свети Николе.
Во рамки на посетата министерот Чулев оствари работни состаноци со раководствата на четирите одделенија. Обезбедување на парламентарните избори, справувањето со пандемијата од Ковид-19 и борбата против сите форми на криминал беа темите за кои се дискутираше на овие работни средби.
Од страна на раководствата на четирите полициски одделенија Чулев беше информиран дека изминатите неколку изборни циклуси се одржани во мирна атмосфера без позначителни и посериозно инциденти. Од нивна страна беше истакнато дека веќе се подготвени оперативните планови со кои ќе се покриваат изборите. Министерот Чулев апелираше до сите полициските службеници да постапуваат максимално професионално и одговорно.
„Во поглед на европската интеграција на нашата држава, парламентарните избори се важен показател за правецот во кој ќе се движи нашата држава“, потенцираше Чулев. Во таа насока Чулев нагласи дека неопходно е истите да бидат организирани на највисоко ниво и во согласност на законите.
Тој истакна дека постапувањето на полициските службеници, согласно со законите и согласно интерните акти на Министерството за внатрешни работи ќе гарантира фер, мирни и демократски избори, а тоа ќе биде причина граѓаните да излезат и да го исполнат своето избирачко право.
Секој полициски службеник мора да биде на висина на задачата и да постапува професионално, впрочем како што тоа го прават полициските службеници во изминатиот период. Во изминатите неколку месеци во Министерството за внатрешни работи имав можност да се сретнам и да соработувам со исклучителни професионални и чесни луѓе и верувам дека тие ќе направат се овие избори да поминат во најдобар ред, онака како што граѓаните заслужуваат, заклучи Чулев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.