Македонија
Шекеринска: Лага е дека сум била на службени патувања и сум трошела државни пари
Најдиректно ги демантирам лагите на ВМРО-ДПМНЕ. Лага е дека кој било, а особено јас изминатава недела, замислете, сум била на службени патувања и сум ги трошела државните пари на патувања и репрезентација. Замислете, тоа е истата оваа недела кога скопскиот аеродром главно беше затворен, изјави министерката за одбрана, Радмила Шекеринска.
Таа се осврна и на кризата со коронавирусот, како и на ратификацијата на протоколот за членство во НАТО и одлуката за почеток на преговорите со ЕУ:
„Ова е недела на два големи успеха, но, за жал, ова е и недела на голема криза во државата и во целиот свет. Криза со која се соочува целото човештво, но и криза со која се соочуваат и сите наши граѓани. Сè се менува со светлосна брзина – се менуваат проблемите, се менуваат предизвиците, еве сега и, фала богу, и успесите, меѓутоа и во успех и во криза една работа останува иста – а тоа е дека ВМРО-ДПМНЕ продолжува, наместо со помош, наместо со пофалба, да работи само со лаги. Ниту помагаат со кризата ниту честитаат, а камоли да се порадуваат на успехот. Во вакви моменти кога водиме лавовска, ама буквално лавовска битка со коронавирусот, во исто време кога ги бележиме најголемите успеси по стратешките прашања на нашата држава, опозицијата се труди да го губи нашето време со лаги. И, затоа, се надевам, последен пат одвојувам неколку минути за оваа изјава бидејќи навистина е доста“, рече Шекеринска.
Таа ја повика ВМРО-ДПМНЕ да престане со лаги заради тоа што, како што рече, лагите нема ниту да го скријат нивниот срам за нечесниот однос кон кризата ниту ќе го скријат нивниот срам дека 11 години ја држеа државата замрзната во место.
Опозициската ВМРО-ДПМНЕ ја повика Шекеринска јавно да ги објави исплатите од државниот трезор што се на име на Министерството за одбрана и таму, според партијата, ќе се видат податоци за потрошени 1,4 милион денари за патувања и ручеци за четири дена.
„Шекеринска, освен тоа што во криза преку Министерството за одбрана троши пари за репрезентација и патувања, позната е по тоа што шири лажни вести. Додека докторите немаат маски, од Министерството за одбрана се плаќаат пари за ресторани и репрезентација, како и пари за патувања“, велат од ВМРО-ДПМНЕ.
Од таму тврдат дека Министерството за одбрана потрошило речиси еден милион и 43 илјади денари за патувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.