Македонија
Шекеринска: Стигнавме до членството во НАТО со лидерство, храброст и одлучност
Министерката за одбрана, Радмила Шекеринска, учествуваше на Бриселскиот форум на германскиот Маршалов фонд, каде што на панелот посветен на иновациите и новиот пристап кон безбедноста, говореше за НАТО, домашните реформи и процесите на демократизација на општеството, но и новиот пристап и начин на размислување на лидерите.
„Новиот, поинаков начин на политичко размислување и однесување, го смени курсот што го имаше мојата земја. Кога бевме избрани како нова Влада пред две години, бевме убедени дека сакаме да го промениме постојното статус кво и дека ќе воведеме нов тип однесување кон нашите соседи. Ги зголемивме стандардите во однос на нашата демократија, владеењето на правото, слободата на медиумите, за помалку од една година успеавме да имаме пробив во односите со Бугарија и го решивме замрзнатиот проблем на Балканот, проблемот за името со Грција. А се покажа дека кога го рушите постојното статус кво, светот тоа го препознава“, рече министерката.
Министерката истакна дека добрите политички односи даваат сигнал и за соработката во сите други полиња, како одбраната и безбедноста, споменувајќи го зголемувањето на воената соработка со Бугарија и Грција.
За иднината на регионот, министерката рече дека нашата желба и надеж е дека овој нов пристап на решавање проблеми ќе има поголем и поширок ефект. Ние веруваме, рече Шекеринска, дека пристапот што го имавме во односите со нашите соседи и кон интерните поделби може да биде модел што може да го користат нашите соседи и наместо нестабилност, регионот може да извезува стабилност.
„Луѓето следат лидери што се доволно храбри да го замислуваат незамисливото и тоа треба да биде инспирација за целиот регион“, заклучи министерката Шекеринска на Бриселскиот форум.
Заедно со министерката Шекеринска на панелот говореа и Андреа Томпсон, потсекретар за контрола на вооружувањето и меѓународната безбедност во американскиот Стејт департмент, и Логан Џоунс, потпретседател во компанијата „Боинг“.
Бриселскиот форум е престижен годишен форум на кој највлијателните северноамерикански и европски политички, корпоративни и академиски лидери, разговараат за современите предизвици на двете страни на Атлантикот. На овој форум годинава учествуваа највисоките и најпроминентни државници, функционери и воени претставници, како Јенс Столтенберг, генерален секретар на НАТО, Федерика Могерини, висока претставничка на ЕУ за надворешна и безбедносна политика, Флоренсе Парли, министерка за одбрана на Франција, Артис Пабрикс, министер за одбрана на Латвија, потоа министрите за надворешни работи на Полска и Словачка, Јацек Цапутовиц и Мирослав Лајчак, како и генералот Тод Волтерс, командант на сојузничката воздухопловна команда во SHAPE (НАТО), и пензионираниот американски генерал Џон Ален, поранешен прв човек на Маринскиот корпус на САД и командант на мисијата ИСАФ во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.