Македонија
Шест кучиња во „Лајка“ чекаат да бидат удомени
Град Скопје и ЈП „Лајка“ ги повикуваат граѓаните да се обратат во прифатилиштето и да удомат куче.
Од Град Скопје информираат дека шест кучиња се подготвени за удомување и го очекуваат својот сопственик.
„Овие шест миленици се меѓу првите бездомни кучиња, кои, по пријава на граѓани, беа заловени и го поминаа хуманиот третман во прифатилиштето нa ЈП ‘Лајка’. Тимот на негуватели им посветува љубов и внимание и се грижи за нивните секојдневни потреби. Во моментот активно се работи на нивна социјализација и се бара нивен дом. Доколку не бидат удомени, тие ќе бидат вратени на скопските улици“, се наведува во соопштението.
Секој граѓанин што ќе сака да удоми куче, пред сè, ќе треба да пополни прашалник за удомување по што ќе разговара со стручно лице вработено во прифатилиштето за да се процени дали и колку удомувачот е соодветен и би бил одговорен сопственик. Доколку се покаже дека удомувачот е соодветен, тој ќе оствари контакт со кучето што сака да го удоми минимум двапати, да го посети прифатилиштето и да помине време со него.
Назначени вработени од прифатилиштето на ЈП „Лајка“ ќе имаат обврска да го посетат удомувачот со цел да се утврди дали тој го чува соодветно и во согласност со Законот за благосостојба на животните.
Доколку заинтерсираните граѓани сакаат да удомат миленик, како и за сите дополнителни информации, може да се обратат на [email protected] и на телефонскиот број: 022565859
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.