Македонија
Шеќеринска: Армијата ќе ги обезбедува Собранието, Владата и затворите
Армијата ќе ја преземе контролата на границите, односно војската ќе го контролира зелениот појас, за дел од полицијата да биде отповикана и ставена на располагање внатре во државата, онаму каде има недостаток од кадар.
Минситерката за одбрана, Радмила Шеќеринска посочи дека Армијата ќе спроведува и проверка на влезови и излези од населени места, каде ќе бидат поставени мобилни пунктови.
„Наша задача ќе биде мобилни екипи од полиција и Армија да спроведуваат проверки на влезови и излези од населени места, како и мобилни пунктови и контролни точки. Третата задача е во овој период да обезбеди физичко обезбедување на витални објекти кои досега беа обезбедувани од МВР. Тоа значи дека Армијата ќе го превземе обезбедување на објекти како Собранието, Владата, како и други важни локации како на пример, затворите. Не треба никој да се грижи дали на примиер, затворите се под контрола или не се. Армијата нема да биде затворска полиција, но значи дека она што порано го вршела полицијата со надворешно обезбедување, сега ќе го прави Армијата“, рече министерката Шеќеринска.
Таа посочи дека границите се контролираат и дека ќе се спречи нелегалниот влез и излез од државата преку контролите на Армијата.
„Целосно ќе ја преземеме контрола на граничната линија што не значи дека војниците ќе ги контролираат границите, бидејќи тоа ќе продолжи да го прави полицијата, меѓутоа, порано наречената зелена линија ќе биде под надзор од Армијата за да се спречат нелегални влезови и излези од нашата граница. Со ова ќе овозможиме дел од полициските сили да бидат повлечени од границите без никаква опасност по нашата држава и да се сконцентрираат на други задачи“, додаде Шеќеринска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како нецелосни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.