Македонија
Ѓуровски: Пендаровски е гарант на демократијата и фактор на политичкиот дијалог
Унапредувањето на безбедносниот систем е условено од брзината на реформите во оваа област, што ќе овозможи развој на безбедносниот систем на Северна Македонија и поголема стабилност на земјата, ова е пораката испратена од денешната академска дискусија „Предизвиците на Република Северна Македонија пред и по членството во НАТО“. На дискусијата беа промовирани учебникот „Вовед во безбедноста“ од д-р Цане Мојановски, д-р Марјан Ѓуровски и д-р Гојко Павловиќ и монографијата „Индекс на безбедност 2“.
Еден од авторите во дискусијата, д-р Марјан Ѓуровски, напомена: „Република Северна Македонија ја делат помалку од 6 месеци од полноправното членство во НАТО и тоа значи чест, привилегија и потврда на напорите нa сите досегашни влади и генерации. Но, НАТО-членството значи и обврска зашто домашната задача никој друг нема ја заврши, туку ќе наметне одговорен пристап и поголема имплементација на приоритетите. Според Ѓуровски, преку зачленувањето во алијансата се потврдува територијалниот интегритет и суверинитет на земјата, но НАТО нема волшебно стапче за решавање на домашните безбедносни и политички проблеми. На НАТО, според Ѓуровски, му е потребен кредибилен играч на зелената маса зашто од резервната клупа сега, ако сакаме да бидеме на терен, и треба да се свртиме на домашните задачи: борба против корупцијата, реформите на судството и целосно реформирање на безбедносниот систем.
За поздравување е, вели Ѓуровски, најавата за промена на тимот во извршната власт, но покрај тоа, потребна е промена на приоритетите во спроведување на политиките и креирање нови јавни политики за потребите на граѓаните. Воедно, професорот Ѓуровски ги истакна 8-те столба значајни во престојниот период, меѓу кои како еден од најзачајните го истакна претседателот на државата Пендаровски, кој претставува гарант на демократијата и фактор на политичкиот дијалог и стабилноста на земјата. Затоа, доследно е потребно почитување на уставните надлежности на шефот на државата во безбедносниот систем и зајакнување на позицијата на Советот за национална безбедност. Покрај тоа, нужно е потребна консолидација на ресурсите, ажурирање на безбедносната политика, професионализација, департизација, подобра координација, демократска контрола на тајните служби, концептот на јавно приватно партнерство и донесување закон за интегрална безбедност.
Деканот на Факултетот за безбедност – Скопје, Никола Дујовски, рече дека земјава долг период се обидувала да стане членка на НАТО. „Република Македонија 27-28 години не успеа да стане членка на НАТО, иако Армијата и сите други безбедносни структури вложија натчовечки напори и јас сум сигурен дека се еднакво подготвени и опремени како добар дел од армиите во НАТО, но не успеа. Република Северна Македонија ќе успее за помалку од една година. И тоа ја прави разликата начинот на користење на новото име на државата да биде поедноставен и полесен и повеќе луѓе побргу да прифатат дека таа нова држава, Северна Македонија, ќе успее набргу да ги отвори и преговорите за членство во ЕУ, што ќе ни даде уште поголем поттик да работиме во областа на безбедноста“, рече Дујовски, според кој членството во НАТО е повеќе од добра инвестиција.
Претставникот на Фондацијата „Конрад Аденауер“, Јоханес Раи, истакна дека НАТО е успешен проект стар 70 години и оти почнал како сојуз со 12 земји основачи: „По распаѓањето на Советскиот Сојуз, вкупно 13 дополнителни членки влегоа во НАТО од Централна и Источна Европа. Се надевам дека Северна Македонија набргу ќе стане 30-та членка на алијансата“. Според него, НАТО денес се соочува со многубројни предизвици, како што се хибридните војни, кибер-нападите, лажните вести, што со огромна брзина се шират преку социјалните мрежи и оти на овој план, како што рече, алијансата мора значително да се подобри. Тој истакна дека НАТО не е само воен сојуз, туку и политичка организација, што значи треба тесно да соработува со владите и со невладиниот сектор, да превенира и да помага при катастрофи, да ја зајакне цивилната улога.
Во двете промовирани книги акцентот и заклучоците се ставени на тоа дека сегашната поставеност на безбедносниот систем на земјава треба да се доградува во насока сè повеќе и понагласено да дава одговор на кризите, заканите и загрозувањата и оти затоа се наметнува потребата од градење соодветни безбедносни политики преку нови стратегии, доктрини и концепции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николовски: Пензискиот фонд повторно е стабилен, а пензиите растат
Преку одговорни политики и посветена работа, пензискиот фонд денес повторно е стабилен, а пензиите за пензионерите растат. Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.
„Донесовме економска стабилност за пензионерите. Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.
Постигнатите резултати до сега, се нашиот гарант дека дадениот збор повторно ќе го исполниме, додаде тој.
„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.
„Го јакнеме животниот стандард на пензионерите. Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.
„Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица. Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски.
Македонија
Пендаровски: На 8 мај двојна победа за сите нас и за Македонија
Претседателскиот кандидат Стево Пендаровски денеска беше меѓу жителите на општината Чучер-Сандево.
Заблагодарувајќи им се што одлучиле попладнето да го поминат со него, Пендаровски рече дека на 8 мај е загарантирана двојната победа.
„100% победуваме. На 8 мај ќе славиме за двојната победа за сите нас и за Македонија“, истакна Пендаровски.
Говорејќи за досегашната работа на актуелната политичка гарнитура, Пендаровски го истакна членството во НАТО, како најголема организација која ја гарантира безбедноста и стабилноста на сите членки без исклучок.
„Без пријатели, мала земја како нашата, тешко може да опстане“ потенцираше Пендаровски.
Тој ги повика граѓаните на Чучер-Сандево масовно да излезат на гласање на 24 април, да заокружат број 1 и да добијат гаранција за подобра иднина на нивните деца и на нивните внуци.
Македонија
(Видео) Димитриеска Кочоска: Платформа 1198 значи повисок животен стандард, раст на БДП од 5% на среден рок, повеќе пари за малите и средни бизниси, повисоки пензии
„Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси. Ако немаме економија, тогаш не можеме да очекуваме развој во ниту еден сегмент“, рече Гордана Димитриеска Кочоска, кандидат за пратеник во изборна единица 1.
„Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.
И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.
Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.
Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.
Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша“, изјави Гордана Димитриеска Кочоска, кандидат за пратеник во изборна единица 1.