Македонија
Јанчева: ВМРО-ДПМНЕ да одговори за милионските долгови на ЈСП и плаќањето поскапо гориво
Поради неспособноста на ВМРО-ДПМНЕ и нивната градоначалничка, Скопје првпат во историјата остана без јавен превоз, а вработените во ЈСП без плати, изјави на прес-конференција Љубица Јанчева, координаторка на советничката група на СДСМ во Советот на Град Скопје.
„Скопјани очекуваат одговори и одговорност за катастрофата што се случува. За само една година, Јавното сообраќајно претпријатие направило долг од еден милион евра. Дали меѓу причините за овој милионски долг на ЈСП е анекс-договорот за набавка на горива, поскапо за 5,6 денари од редовната цена? Зошто мнозинството во Советот предводено од ВМРО-ДПМНЕ молчи за овој договор? Кого штитат на грбот на скопјани? Дали поради тоа што членовите на управниот и надзорниот одбор на ЈСП се членови и активисти на ВМРО-ДПМНЕ? Колапс на ЈСП, на огромни долгови, на задоцнети плати и прекин на јавниот превоз – тоа е резултат на неспособноста на кадрите на ВМРО-ДПМНЕ, Мицкоски и нивната градоначалничка Арсовска“, изјави Јанчева.
Како што додаде, токму ВМРО-ДПМНЕ и Христијан Мицкоски ја промовирале како кандидат и славеле заедно во белиот дворец.
Лично Мицкоски, вели Јанчева, во нејзино име најавуваше проекти и набавка на автобуси за Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: седум имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.