Македонија
Џафери-Ал-Гобаш: Интензивирање на односите со Обединетите Арапски Емирати
Во рамките на првата официјална посета на Обединетите Арапски Емирати на претседателот на Собранието на Република Северна Македонија, Талат Џафери, и делегацијата составена од пратениците Хусни Исмаили, претседател на Пратеничката група на Собранието за соработка со парламентите на земјите од Блискиот Исток и Арапскиот Залив, Дарко Каевски и Бедри Фазли, членови на групата, денес се одржа средба со Сакр Ал-Гобаш, спикер на Федералниот национален совет на ОАЕ. На средбата присуствуваа и членовите на Парламентарната комисија за пријателство со парламентите од европските земји.
Спикерот Ал-Гобаш истакна особено задоволство од можноста на непосреден начин да разговараат за важни прашања од билатералните односи.
Информираше за Експо Дубаи 2020 и го оцени како голем настан за државата, но и глобално бидејќи ги враќа животот и надежта кај луѓето дека сме на крај на оваа пандемија. Исклучително му е драго за присуството на Република Северна Македонија со свој павилјон, бидејќи државата има можност да ги презентира своите економски потенцијали, култура, историја. Ал-Гобаш изрази очекување дека во иднина ќе се зајакнат заемните односи и врски на секој план и меѓу сите државни институции од двете земји, информираа од кабинетот на Џафери.
Претседателот Џафери изразил задоволство од првата заедничка средба, која коинцидира со 25-годишнината од воспоставувањето на дипломатските односи и посочил дека очекува одличното ниво на дијалог, соработка, меѓусебно почитување и разбирање да продолжи со истата динамика и во иднина, што ќе резултира со корисна соработка во сите области од заеднички интерес, бидејќи ги поддржуваме истите заложби за мир и стабилност, регионално и глобално. Помошта од ОАЕ во справувањето со Ковид-19 пандемијата, како и поддршката на нашето учество на Експо 2020, се показател за пријателските врски и одржливи и стабилни релации.
Претседателот Џафери го запознал својот домаќин со актуелните предизвици на Република Северна Македонија на надворешно политички план, очекувањето за почеток на преговорите со ЕУ и членството во НАТО. Истакнал дека на внатрешен план во земјата се негуваат меѓуетничките односи и верската толеранција. Како членка на глобалната алијанса против тероризам, нашата земја е посветена во борбата против ова зло, а сме заинтересирани да ги користиме и искуствата на Меѓународниот центар за борба против насилниот екстремизам „Хедаја“, чиј основач се ОАЕ, се нагласува во соопштението.
Претседателот Ал-Гобаш упатил јасни и недвосмислени пораки дека секое мешање во религиските прашања, кои мора да егзистираат одделно од државните политики, може да доведе само до нетрпеливости и конфликти. Затоа е потребно сите држави високо на агендата да ја стават верската толеранција, коегзистенцијата на различните културни и јазични особености, и да ја исклучат интерпретацијата на религиозните изразувања која води кон недоразбирања.
Во однос на парламентарната соработка, двајцата соговорници споделија идеи за плодна, конструктивна и интензивна парламентарна соработка преку пратеничките групи за соработка и на ниво на комисии. Двајцата претседатели разговараа и за мирот и безбедноста на Блискиот Исток и Арапскиот Залив, кој се рефлектира во целиот свет и кој е особено значаен за Израел и Палестина, за Абрахамскиот договор како клучна пресвртница во односите меѓу ОАЕ и Израел, потоа за последиците од авганистанската криза и справувањето со бегалците, како и за други актуелни надворешнополитички предизвици, пишува во соопштението.
По завршувањето на оваа средба, следеше потпишување во Книгата на посетители и билатерална средба меѓу двајцата претседатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.