Македонија
Џафери се сретна со постојаниот координатор на ООН, Росана Дуџак
На денешната средба на претседателот на Собранието, Талат Џафери, со постојаниот координатор на ООН во Република Северна Македонија, Росана Дуџак, беа разменети повеќе информации и идеи за тоа како да се продлабочи соработката меѓу органите и телата на ООН и Собранието на Република Северна Македонија.
Претседателот Џафери го потенцира фактот дека нашето членство во ООН од 1993 година, па до денес, се темели на почитување на основните принципи и постулати на Повелбата на ООН. Исто така, тој истакна дека нашата комуникација со органите на ООН во континуитет се зајакнува со активен ангажман и придонес во сите специјализирани агенции, програми и фондови од системот на ООН. Во таа насока претседателот Џафери ја искажа својата благодарност за придонесот на агенциите на ООН, како што се: UNDP, UNICEF, UNFPA, UN Women и другите со кои имаме воспоставено тесна соработка кон целите на подобрување на вработувањето, социјалната инклузија, развојот на животната средина и родовата еднаквост.
Во рамките на оваа соработка во Собранието функционира Комисијата за еднакви можности на мажите и жените, кои заедно со Парламентарниот институт и UN Women работат на темите за родово одговорно буџетирање, истакна претседателот Џафери.
Тој исто така потенцира дека во однос на почитувањето на човековите права, Северна Македонија е и ќе биде доследна во нивното почитување како земја со нагласена eвропска ориентација определена за мир и стабилност и земја што тежнее кон членство во ЕУ.
Гoспоѓа Росана Дуџак, постојаната координаторка на ООН за Република Северна Македонија, се заблагодари за можноста да се сретне со претседателот на Собранието, г. Талат Џафери, за да разговараат за меѓусебната соработката во претстојниот период.
Таа посвети поголемо внимание на Агендата 2030 на ООН за одржлив развој, како и за стратегијата за соработка во рамките на оваа агенда со институции на Република Северна Македонија за периодот 2021 – 2025 година како два важни стратешки документа на ООН. Во рамките на оваа соработка со институции на Република Северна Македонија, Дуџак наведе 17 значајни области на соработка што треба да се интензивираат во претстојниот период и кои се значајни за ООН.
На крајот од средбата двајцата соговорници се согласија дека агенциите на ООН ќе продолжат интензивно да соработуваат со работните тела и комисиите на Собранието на Република Северна Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење како што е Вегови (Wegovy ) е кулминација на долгогодишната тимска работа.
Научниците во Европа и во САД, кои први работеа на лекови за дијабетес, направија критична врска помеѓу инсулинот и инкретините, дел од семејството на цревни хормони познати како глукагони, со што им помогнаа да разберат како да управуваат со нивото на шеќер во крвта и тежината.
Во годинашнава листа на магазинот „Тајм“ во категоријата на највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло Дуа Липа, британскиот актер Дев Пател и австралиската пејачка Кајли Миног.
Македонија
Приведено уште едно лице за кражбата на сефот во Црниче
Приведено е уште едно лице за кражбата на сеф од маркет во Црниче.
Од МВР информираа дека вториот приведен е В.Т.(36) од Скопје.
Претходно Обвинителството објави дека приведен е 26-годишен скопјанец кој учествувал во кражбата.
Со тоа, двајцата се сомничат дека на 1 април провалиле во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
ОД МВР информираа дека судија на претходна постапка на едното лице му определи мерка притвор.
Македонија
Битиќи: Просечната пензија ќе ја зголемиме на 30.000 денари
„Просечната пензија ќе биде 30.000 денари, што е зголемување од скоро 9.000 денари или над 40% до 2028 година. Овие покачувања ќе се случат како резултат на новата методологија за пресметка на пензиите која оваа Влада ја воведе со измена на Законот за пензиско и инвалидско осигурување. На овие покачувања, новата Влада предводена од СДСМ ќе обезбеди и новогодишен пакет од 6.000 денари за секој пензионер“, изјави Фатмир Битиќи, коносител на листа на кандидати за пратеници од Изборна единица 2, на „Коалицијата за европска иднина“.
Зброувајќи за зголемување на минималната пензија, Битиќи истакна дека во следниот мандат истата ќе се зголеми на ниво од 20.000 денари, што би било зголемување од 45% до 2028 година.
Битиќи посочи дека во изборната програма предвидено е и енергетски додаток во износ од 1.500 денари за секој пензионер во периодот од октомври до март, односно во времетраење на грејната сезона, со што, како што рече тој, ќе го заштитиме стандардот на нашите највозрасни сограѓани.
„Ова значи дека секој наш пензионер ќе добива по 15.000 денари дополнително годишно, надвор од редовното покачување на пензијата која му следува по закон“, рече Битиќи.
Тој потсети дека минималната пензија во 2016 година изнесуваше 8.900 денари и истата е зголемена за 5.000 денари, и сега изнесува 13.900 денари, што е зголемување за 55% за период од седум ипол години.
„Просечната пензија која во 2016 година изнесуваше 13.800 денари, ја покачивме за 7.600 денари и сега таа изнесува 21.400 денари, или тоа е раст од 55%“, рече Битиќи и истакна овие достоинствени покачувања на пензиите се постигнати и ќе продолжат да се постигнуваат со домаќинско менаџирање со фондот за ПИОМ.
„Тотална спротивност се празните ветувања на ВМРО кое свесно им ветува зголемување од 5.000 денари, кое никогаш нема да се случи, затоа што ни самиот фонд за ПИОМ, ниту централниот буџет може да го понесе товарот од дополнителни 330 милиони евра годишно, за да се оствари ова ветување“, рече Битиќи, притоа порачувајќи дека „Коалицијата за европска иднина“ предводена од СДСМ носи напред, домаќински раководи со државниот буџет и се грижи за сите граѓани.
„Пензионерите да се мирни, бидејќи ние мислиме за нивниот удобен и достоинствен живот“, порача од пред пензионерскиот дом во Чаир Фатмир Битиќи, коносител на листа на кандидати за пратеници од Изборна единица 2, на „Коалицијата за европска иднина“.