Македонија
(Видео) Џафери: Ја прекинав седницата поради однесувањето на Зекири и зашто помина полноќ
Седницата е прекината зашто помина полноќ и поради однесувањето на пратениците, особено поради однесувањето на Мухамед Зекири. Џафери негира дека го спасил Вељаноски, тој појасни дека сега со вчерашните случувања нема правни дејства, т.е. останува имунитетот, а процедурите во судска постапка продолжуваат.
„Секому му е јасно дека Џафери е личност што нема да го води Собранието под диктат, туку според Уставот“, рече Џафери.
„Секој што има дилема за процедурите, има соодветна можност да провери, додека сум претседател, никој не може да го узурпира и да ја попречи рабоата на Собранието. Тие што се повикуваат на мене, поради свои пропусти во одлуките, нека се преиспитаат“, рече Џафери.
Тој нагласи дека комисијата не поднела предлог-заклучок и како такво Собранието немало предмет на одлучување.
Никој нема право да прогласи некого за виновен надвор од постапките, тоа значи мешање во друга власт. Немам намера да се правдам преку прес-конференции, сè има во архивата и документите. За имунитетот на пратеникот Љупчо Димовски, вели дека седницата била прекината поради немање кворум и рокот изминал и за таа седница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Мицкоски сака враќање на државата пред 2001 година, Македонија без Албанци
Мицкоски и ВМРО јавно бараат Македонија без Албанци. Тој дури отворено ги повикува сите Македонци да се обединат против Али Ахмети и ДУИ, се вели во партиското соопштение од ДУИ.
– Мицковски на митингот во Кратово побара обединување на сите Македонци за Албанците да не добијат ниту еден пратеник во третата изборна зона. Вокабуларот на Мицкоски не е само против Договорот од Преспа и Договорот за добрососедство со Бугарија, туку и против Охридскиот рамковен договор, барајќи конкретно враќање на државата пред 23 години, се вели во соопштението.
Во соопштението се додава дека „ДУИ и Европскиот фронт изразуваат длабока загриженост за националистичкиот и антиевропскиот речник на ВРМО, кој чувствувајќи го поразот на 24 април и 8 мај, поттикнува меѓуетничка и антиевропска омраза во Северна Македонија“.
Исто така, тие ја повикаа албанската опозиција „да се вразуми и да не стане алатка на руската агенда што ја прокламира ВМРО и нивните гласноговорници“.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.