Македонија
Се излеа и реката Грашница
Реката Грашница денеска се излеа во реони од населбата Воска поплавувајќи повеќе дворови и куќи. Најкритично е во делот на новоизградениот цевковод кој не може да ја прими надојдената вода.
Реката Грашница денеска се излеа во реони од населбата Воска поплавувајќи повеќе дворови и куќи.
Најкритично е во делот на новоизградениот цевковод кој не може да ја прими надојдената вода. Таа извира од земја и навлегува во куќите.
„Ситуацијата станува критична се обидуваме покрај положените цевки да направиме друг одвод за да се исцеди водата од бавчите и од куќите и се надевам дека за неколку часа ќе го решиме овој проблем“, изјави Сашо Алчев, директор на ЈП „Охридски Комуналец“.
Со механизација се проширува коритото околу тесниот цевковод за да се зголеми протокот на вода, а на повеќе критични места се градат насипи со вреќи од песок, но надлежните се загрижени дали тоа ќе биде доволно.
„Сите реки се високи а она што натаму загрижува е и восокото ниво на Охридското Езеро и протокот на вода по реките кои се вливаат е многу отежнат. Брзината на истекот на водата од реките е забавен поради високиот водостој на Охридското Езеро, истакна Алчев.
Населбата Воска беше погодена од поплава и пред неполни два месеци кога исто така дојде до излевање на Грашница.
Граѓаните реагираат дека проблемот е во несоодветно изградениот цевковод кој според нив треба да се отстрани. Тие бараат да се изгради корито, со што ќе се реши проблемот со излевање на реката Грашница./охридњуз/гм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Нема промена во ДПМНЕ, над 80% од листите се истите пратеници кои спроведуваа активни блокади“, велат од СДСМ
„Составот на листите за пратеници на ДПМНЕ потврдува дека во ДПМНЕ нема никаква промена, тоа е партија свртена кон минатото. Повеќе од 80% од кандидатите на листите се истите пратеници, кои спроведуваа активни блокади на Собранието, правеа опструкции и кочеа, сé што е во интерес на граѓаните и државата“, соопшти СДСМ.
„Тоа се истите лица што во време на криза во Собранието ја блокираа помошта за граѓаните и компаниите, кои два дена на собраниска седница ги преместуваа точките на дневниот ред.
Беа и против минималната плата и раст на платите и против членството на државата во НАТО, и против евроинтеграциите, тропаа и вревеа со вувузели додека во парламентот зборуваше Урсула фон дер Лајен.
Нивната работа изминатите четири години ја одбележаа одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од ДПМНЕ.
Со истите лица на листите Белата палата потврдува дека се определува за блокада на европскиот пат на државата. Со ДПМНЕ е можно само враќање назад.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност и враќање 10 години назад со ДПМНЕ“, се наведува во соопштението на СДСМ.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.